Debates contemporáneos como as adicións, as relacións abertas ou a liberación sexual feminina foron tratados en 1932 neste filme de Dorothy Arzner, a única muller directora do Hollywood dos anos 30. A cineasta leva estes temas á gran pantalla cunha franqueza, sofisticación, enxeño e madurez sorprendentes, mesmo dentro do atrevido cinema previo á implantación do Código Hays.

A sesión inclúese dentro de "Pioneiras", ciclo organizado polo Cinema NUMAX que reivindica a mulleres cineastas cuxa importancia non foi suficientemente visibilizada na historia do cinema.