Gran Bretaña, nun futuro indeterminado. Alex é un mozo moi agresivo que ten dúas paixóns: a violencia desaforada e Beethoven. É o xefe da banda dos drugos, que dan renda solta aos seus instintos máis salvaxes apaleando, violando e aterrorizando a poboación. Cando esa escalada de terror chega até o asasinato, Alex é detido e, en prisión, someterase voluntariamente a unha innovadora experiencia de reeducación que pretende anular drasticamente calquera atisbo de conduta antisocial.