Durante a febre do ouro, os buscadores desafían o perigoso Paso de Chilkoot, Alaska, coa esperanza de facérense ricos nas montañas nevadas. Xusto cando Big Jim McKay descobre ouro, estoura unha treboada que leva un buscador solitario a refuxiarse nunha cabana. Non o sabe, pero a cabana está ocupada polo foraxido Black Larsen, que intenta guindar fóra o vagabundo. Fortes ventos, porén, arrastran o homiño de volta para dentro, e non tarda en aparecer tamén o Jim. Nos días seguintes, os tres homes conviven como poden, mentres a súa fame medra e o trebón non para de bruar.

(*) Versión sonora de 1942, con acompañamento musical e voz en off do propio Charles Chaplin