No arquivo fotográfico e as memorias escritas polo seu pai arredor da experiencia do servizo militar na colonia española do Sahara en 1964, Pilar atopa o paraíso perdido ao que el sempre tentará regresar.

Logo dun fracasado proxecto familiar, durante os anos 80 e 90, Manuel Monsell comezará a viaxar ao Magreb. De novo coa súa cámara fotográfica, perseguirá a beleza dalgúns rostros que poidan trasladalo unha vez máis ao lugar soñado.

Mais todas estas viaxes revelan moito máis acerca do lugar do que se parte que sobre o lugar de destino. O amor romántico, a independencia e a familia compoñen o escenario dun refuxio que, ao se crebar, sitúanos na obriga de nos preguntar non só sobre os nosos verdadeiros desexos, senón tamén sobre a necesidade de repensar o sentido destas vellas palabras.