Valdeorras é unha comarca vitivinícola situada na fronteira física e climática de Galicia. Con invernos fríos e veráns moi cálidos, a conservación do viño era un reto que a terra e o enxeño axudaron a resolver. Este documental ofrece un relato coral sobre a historia, uso e tipos de covas que se poden atopar na comarca, deténdose no significado emocional destes espazos para os seus actuais propietarios. Covas de Valdeorras é a oportunidade de visitar esta herdanza histórica da man dos protagonistas do seu presente.