A partir dun encontro entre intelectuais e movementos sociais para debater un novo proxecto europeo, o filme presenta unha complexa trama de plataformas cidadás, institucións en reinvención e procesos sociais cambiantes. Informe general II defende a función da cultura como espazo para interrogar o presente e o papel do museo como institución pública desde a que pensar cales son os nosos relatos, herdados e próximos, e que tipo de suxeito pode apropiarse destas narracións e proxectalas cara ao futuro. A ciencia, os colectivos cidadáns, os movementos de base e as redes complementan a institución cultural, debuxando un panorama de incerteza que o filme de Portabella mostra e, ao mesmo tempo, cuestiona.