Libreiros de Nova York é unha carta de amor á cultura do libro, con entrevistas a algúns dos máis importantes coleccionistas, poxadores e escritores. O filme tamén examina o impacto da tecnoloxía no comercio, o valor dos libros como obxectos físicos, o declive das librarías, a obsesión por coleccionar e a implacábel busca do vindeiro grande achádego. O documental de D.W. Young tivo a súa première mundial no New York Film Festival e aproxímanos ás librarías especializadas en obras antigas e de coleccionistas, un mundo pequeno e fascinante poboado por soñadores, intelectuais, excéntricos e obsesivos.

O filme terá unha preestrea exclusiva o 23 de abril coincidindo coa celebración do Día do Libro. Poderá verse desde as 16:00 até a medianoite por só 1€ introducindo o código salavirtualnumax.

***

Coa colaboración de A Contracorriente Films