![](https://numax.org/storage/cache/images/df3/1628955202-460_17e2422d-cartaz-o-movimento-das-coisas_page-0001.jpg)
O movimento das coisas
- Repertorio
- DCP2K
- VO
O movimento das coisas
- Os ollos verdes. O cinema inédito de NUMAX
- Repertorio
- DCP2K
Un día de traballo nunha aldea do norte de Portugal. Camiños desertos de vento inquietante. Catro vellas, o campo, o pan, as galiñas. Historias de xestos saboreados en palabras mineralóxicas. Unha familia de dez fillos nunha granxa somérxese na inmensidade do tempo. O pai corta unha árbore. Máis alá, a auga dun río habitado por xente. Unha barca, o sol, a praza da vila, a ponte en construción, o balcón, a comida, a densidade e o misticismo do domingo, a misa e a festa. Nese lugar, Isabel móvese coa mirada posta no futuro. Para os demais, o sentido da vida é só vivir. E o tempo corre entre o amencer e o atardecer.
Este abraiante retrato dunha aldea situada nas beiras do río Limia é a única obra dirixida por Manuela Serra. Unha alfaia do cinema portugués estreada en 1985 que recuperamos en copia restaurada.
- Título orixinal: O movimento das coisas
- Ano: 1985
- Duración: 85 minutos
- Idioma orixinal: Portugués
- Dirección: Manuela Serra
- Música: José María Branco
- Fotografía: Gerard Collet
- Distribuidora: The Stone and the Plot
![](https://numax.org/storage/cache/images/854/1628955418-600x424_17e31a44-324672.jpg)
![](https://numax.org/storage/cache/images/5b8/1628955418-600x424_17e31a45-the-movement-of-things.jpg)
![](https://numax.org/storage/cache/images/3c3/1629819403-600x424_25120b34-coisas-2.jpg)