Este libro contén as breves pero detalladas memorias dun intenso labor de interpretación e dirección teatral desenvolvido polo autor no ámbito universitario compostelán nunha década dos difíciles tempos do tardofranquismo, cando calquera actividade de dinamización cultural, fóra dos estreitos límites que a ditadura impoñía, era mirada con desconfianza, cando non coa certeza de que agochaba actividades «subversivas». Ademais de ao seu autor, estas páxinas queren lembrar, render homenaxe e poñer en valor para as xeracións actuais o compromiso, valente e xeneroso, dunha saga de homes e mulleres que, talvez sen eles o saberen, estaban construíndo o futuro.