Alexandre Corbillón presenta «O segredo do trasno» na Libraría NUMAX
A Libraría NUMAX acolle a presentación de O segredo do trasno (Aira) de Alexandre Corbillón o vindeiro xoves 6 de febreiro ás 19:00h. O autor estará acompañado do director da editorial, César Lorenzo. A entrada é libre ata completar aforo.
A descuberta dun novo territorio sempre é a descuberta dun novo mundo. Atopar novas xentes e novas paisaxes fainos reverdecer os vellos vínculos cos nosos. Desa fascinación toma este libro de poemas a súa materia prima.
Novo título da colección Valilongo de poesía que Aira coedita coa Fundación Insua dos Poetas.
Alexandre Corbillón autopublicou o seu primeiro poemario, Cristal, no 2022. O segredo do trasno (Aira) é o seu segundo libro.
