No poemario Estar con otro faise un percorrido por todas as formas que temos de estar cos demais. Sobre todo, fixándonos na tensión que hai entre querer fuxir e non poder vivir sen eles, basándose no concepto de comunidade ou grupo. Un libro que, segundo en Carlos Catena, di "acabou sendo un libro sobre o Estado, as leis, as normas que nos rexen escusado un pouco no amor" e que ten como faros a voces como Juan Andrés García Román, Erika Martínez e Idea Vilariño.

Carlos Catena Cózar (1995) naceu en Torres de Albanchez e pasou a súa adolescencia en Jaén. Estudou Tradución e Interpretación na Universidade de Granada, oficio co que se gaña a vida. Acaba de publicar o seu segundo poemario, Estar con otro (Pre-Textos, 2023). Co primeiro, Los días hábiles (Hiperión, 2019), gañou o Premio Hiperión de Poesía e tivo unha gran acollida entre o público lector e a crítica. Os seus poemas apareceron publicados en numerosas revistas e antoloxías, e traduciuse ao inglés, polaco, rumano, árabe e italiano. Entre 2020 e 2022 foi beneficiario dunha beca de creación literaria na Residencia de Estudantes de Madrid. En 2023, recibiu o Premio Valencia de Narrativa en Castelán pola súa primera novela, Tan tonta, que sairá publicada en outono deste mesmo ano en La Caja Books.