O Cinema NUMAX acolle as estreas de dous filmes de Terrence Malick inéditos en España
![](https://numax.org/storage/cache/images/e0f/1721733585-750_5f4fd72e-night-of-cups.jpg)
Dous dos últimos filmes do director estadounidenseTerrence Malick poderán gozarse en Compostela en pantalla grande. As agardadas Knight of Cups e Song to Song chegan a NUMAX este outono en catro pases únicos.
O público compostelán terá a oportunidade de achegarse este mes ao cinema dun auténtico director de culto como Terrence Malick (autor de Malas Terras ou A árbore da vida). A súa peculiar linguaxe audiovisual e o coidado estético que imprime ás súas obras acrecentan a importancia de gozalas en pantalla grande.
Dúas das últimas creacións de Malick inéditas até agora en España, Knight of Cups e Song to Song, poderán gozarse en NUMAX en catro pases únicos os días 22, 23 e 29 e 30 de setembro, respectivamente.
En Knight of Cups, Christian Bale interpreta a Rick, un guionista de Hollywood, millonario pero infeliz que intenta buscar o sentido do amor e a vida a través dunha viaxe espiritual por relacións do seu pasado. Cun reparto que completan Cate Blanchett, Natalie Portman, Antonio Banderas, Imogen Poots, Brian Dennehi, Teresa Palmer e Wes Bentley, Knight of Cups tivo a súa premiere internacional no Festival de Berlín de 2015.
Protagonizada por Rooney Mara, Ryan Gosling, Michael Fassbender e Natalie Portman, Song to Song é unha historia de amor, obsesión e traición ambientada no Austin musical que tivo a súa estrea mundial no Festival SXSW en 2017.
- Hoxe
- Ver máis
-
-
Mud
VOSE
-
-
In Water
VOSG
-
-
O noso día
VOSG
-
-
-
Os duelistas
VOSE