Lucia Cernadas presenta «O corpo é umha promessa» na Libraría NUMAX
A Libraría NUMAX acolle a presentación do poemario O corpo é umha promessa (Rodolfo e Priscila) de Lucia Cernadas o vindeiro martes 23 de xullo ás 19h00. A autoa estará acompañada polas escritoras Arancha Nogueira e Berta Dávila. A entrada é libre ata completar aforo.
Com umha linguagem tam delicada quanto poderosa, Lucia Cernadas fala-nos nestes versos da transformaçom das paisagens e das promessas, de como os corpos se expressam e se conectam, do diálogo entre o desejo e a transcendência. A memória das músicas, das sensaçons sem nome e dos lugares que o amor ocupa som alguns dos fios que vertebram esta coleçom de poemas com forma de almanaque. O corpo é umha promessa atravessa o tempo e as estaçons do ano, a beleza e a luz. Atravessa, sobretudo, quem o lê, devolvendo-lhe um tapiz único e formoso sobre a descoberta.
Lucia Cernadas (Cecebre, 1997) é leitora de língua e cultura galegas na Universidade de Oxford. Também realiza umha tese de doutoramento na Universidade da Corunha. Como autora, publicou Sutura (2019) e Espinha (2020) com Leite Edicións. Também apareceu nas antologias Poesía galega novísima (Urutau, 2020) e Mafia, amiga (Leite Edicións, 2021) e na revista Dorna.
- Hoxe
- Ver máis
-
-
O noso día
VOSG
-
-
Under the Skin
VOSG
-
-
O castelo ambulante
VOSE
-
