Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.

Os ollos verdes. O cinema inédito de NUMAX. Un ciclo que renovamos ano a ano e que reúne os títulos máis arriscados e anovadores da carteleira.

A nosa proposta para crianzas chámase Petís NUMAX, unha estupenda selección de filmes ideal para iniciar na sétima arte ás petís da casa.

O verán de 2024 está dedicado ao gran Stanley Kubrick, un dos maiores creadores de imaxes do século XX, de quen proxectaremos 7 obras mestras e unha selección dos seus filmes favoritos e doutras que foron fondamente influenciados polo cineasta neoyorkino.

Durante o mes de setembro de 2024 imos descubrir en fantásticas copias restauradas a obra do esquecido cineasta suízo de postguerra Leopold Lindtberg.