Recrea a historia real do secuestro de 1977 que converteu a Tony Kiritsis, un aspirante a empresario de Indianápolis, nun excéntrico heroe popular proscrito.
Co gallo da estrea do último filme de Gus Van Sant —"Prime Crime: A True Story"—, recuperamos un título de culto da etapa máis radical do cineasta norteamericano, protagonizado por Matt Damon e Casey Affleck.
Robot, Un Gardabot de primeira xeración, criou a Celeste para convertela unha brillante astronauta. Ao partir cara a súa primeira misión en solitario, fica só na Terra. Con cada día que pasa, a soidade empeza a afectalo, estragando os seus anticuados sistemas tecnolóxicos.
"Un hombre libre" explora a vida e obra de Agustín Gómez Arcos, o escritor español exiliado que alcanzou grande éxito na literatura francesa nos anos 70, mentres o seu nome permanecía silenciado en España.
Catro mozas adolescentes viven nunha mesma granxa do norte de Alemaña en épocas diferentes. Co paso dos anos, a casa transfórmase, pero o eco do pasado resoa entre as vellas paredes. A pesar das décadas que as separan, as súas vidas parecen reflexarse entre elas.
Desde hai dous séculos, Chorromujo, o que un día foi "o Rei dos Xitanos", deambula en silencio polas rúas de Granada. A chegada de Anas, un mozo marroquí en busca da casa dos seus antepasados, inicia unha busca polas ruínas da cidade en transformacion.
Tras a morte de Franco e a restauración da Monarquía, o marqués de Leguineche regresa ao seu palacio de Madrid. Logo de trinta anos de exilio voluntario na súa finca Los Tejadillos, proponse achegarse ao Rei para reanudar a vida cortesá de antes.
Un escultor establece o seu taller nunha afastada zona rural da costa galega. Pouco a pouco irá illándose da súa contorna, cortando todo contacto con amizades e familiares. Cando un antigo amor acode ao seu encontro provocará a reflexión do escultor sobre o seu desexo de illamento e a necesidade dunha nova fuxida.
Durante unha protesta en Cisxordania, un adolescente palestino vese implicado nun conflito que sacode a vida de toda a súa familia. Conmocionada, a súa nai Hanan narra a historia familiar que abrangue tres xeracións durante 70 anos, a través das tensións políticas e emocionais que os conduciron a tan fatídico momento.
A procura da flor de Irupé, película perdida de Guillermo Fernández-Zúñiga, pioneiro español do cine científico.
Enzo, de 16 anos, é aprendiz de albanel na Ciotat. Presionado polo seu pai, que querería que cursase estudos superiores, o mozo quere escapar do ambiente cómodo pero sufocante.
Un grupo de nenos sobrevive como pode no Xapón da posguerra. Cando se encontran cun soldado expatriado que vaga polo país, deciden unirse a el, co obxectivo de chegar a unha escola especial para orfos do conflito.
Lauri é un neno de 12 anos que perde a capacidade de camiñar nun accidente. Por sorte, Fleak, unha útil criatura peluda doutra dimensión aparece e lévase Lauri a vivir unha aventura de fantasía.
