Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.

Os ollos verdes. O cinema inédito de NUMAX. Un ciclo que renovamos ano a ano e que reúne os títulos máis arriscados e anovadores da carteleira.

Co gallo da estrea de «Unha batalla tras outra», a nova creación de Paul Thomas Anderson, ofrecemos un foco con tres das súas obras máis prestixiosas.

Durante o mes de outubro e inicios de novembro de 2025 recuperamos 6 das longametraxes que outorgaron a Douglas Sirk a consideración de mestre do melodrama clásico.