'River of Grass' ten todos os elementos dunha road movie convencional: un coche, unha pistola, plans criminais e dous mozos amantes escapando dun pai furioso que ademais é un oficial de policía suspendido. Con todo, Kelly Reichardt tomou estes elementos comúns e creou unha anti-road movie, unha película impasiva que ten máis de comedia existencialista que de drama criminal.

Os dous amantes en cuestión son Cozy, a filla do policía, e Le Ray, un personaxe sombrío do barrio escuro da cidade. Le Ray consegue unha pistola e pronto se verán ambos sen pretendelo envoltos nun tiroteo. Temendo ser capturados, fan plans para abandonar a cidade, cometendo varios roubos polo camiño. A película foi rodada no sur de Florida, localizando a historia nunha paisaxe apropiadamente deprimente de autoestradas desertas e frondosos campos pantanosos. O título, en castelán río de herba, é outro nome que reciben os Everglades de Florida.