Joe Gillis é un mozo escritor de segunda fila que, acosado polos seus acredores, se refuxia casualmente na mansión de Norman Desmond, antiga estrela do cinema mudo, que vive fóra da realidade, acompañada unicamente do seu fiel criado Max.

• Mercar entrada

Nun lugar onde todos comezan de novo, sen pasado, Simón faise cargo de David, un neno que coñece durante a travesía cara a unha nova vida. Movido por unha convicción inexplicable, busca a nai do rapaz e recoñece en Inés a muller axeitada para asumir ese papel.

• Mercar entrada

Carolina Carinhas presenta Sal nas Feridas (Urutau) o venres 6 de novembro ás 19:00h na Libraría NUMAX. A autora estará acompañada polo escritor Xosé Carlos Carracedo. A entrada é libre ata completar aforo.

Chile, 1973. Tras o golpe militar de Pinochet, centos de militantes de esquerda latinoamericanos refúxianse na embaixada arxentina á espera dun visado para abandonar o país.

• Mercar entrada

Rex e Saskia son unha parella neerlandesa que está de vacacións en Francia. Durante unha parada nunha gasolineira, Saskia desaparece misteriosamente sen deixar rastro.

• Mercar entrada

Na véspera de Samaín, a emoción convértese en consternación cando a plantación de cabazas se bota a perder.

• Mercar entrada
• Ver o tráiler

Janet Frame medra nunha familia humilde de Nova Zelandia e pasa a súa infancia e adolescencia marcada pola timidez, as dificultades para relacionarse e a incomprensión da súa contorna. Diagnosticada erroneamente de esquizofrenia, pasa varios anos internada nun hospital psiquiátrico e sométese a tratamentos que inclúen a terapia electroconvulsiva. A literatura convértese no seu refuxio e na vía para construír unha vida propia, ata acadar o recoñecemento como escritora.

• Mercar entrada

Liverpool, anos corenta e cincuenta. A través de lembranzas fragmentarias, unha familia obreira revive a súa historia, marcada pola violencia dun pai autoritario, o medo e as dificultades da vida cotiá.

• Mercar entrada

Lola e David casaron hai doce anos. A súa viaxe de lúa de mel foi, en parte, unha escusa para emprender un novo proxecto cinematográfico: unha película inviable que vai apoderándose de David a medida que percorren Oriente Medio e a India.

• Mercar entrada

Orlando é unha criatura melancólica, independente e inmortal que atravesa catro séculos da historia inglesa. Ao longo desta viaxe, pasa de home a muller e explora os misterios da vida, da arte e da paixón, nun percorrido que cuestiona as convencións sociais e a identidade de xénero.

• Mercar entrada

Melanie Daniels, unha moza rica e snob da alta sociedade de San Francisco, coñece casualmente a Mitch Brenner nunha tenda de animais e decide seguilo ata Bodega Bay, onde vive coa súa familia. A súa chegada coincide cunha serie de ataques inexplicables de paxaros contra os habitantes da localidade.

• Mercar entrada

Patty e Drake, unha parella de San Francisco, compran e restauran unha antiga casa vitoriana e, para para facer fronte á hipoteca, alugan os apartamentos da planta baixa. Todo parece ir ben ata que Carter Hayes, un inquilino aparentemente modélico, axiña comeza a incumprir os pagos e a provocar danos na vivenda.

• Mercar entrada

En 2017, Rafael Nahuel, un mozo mapuche, foi asasinado pola Prefectura Naval arxentina na Patagonia. A partir de documentos xudiciais e arquivos oficiais, Sofía Bordenave relaciona o crime coa historia de violencia estatal e desposuimento territorial do pobo mapuche, desde a chamada Conquista do Deserto, no século XIX. O bosque convértese así en testemuña da violencia e espazo de resistencia fronte aos relatos oficiais.

• Mercar entrada

Christopher «Manny» Balestrero, un músico que traballa nun local nocturno de Nova York, é confundido co autor de varios atracos e detido pola policía. Aínda que é inocente, as probas circunstanciais e as identificacións das testemuñas parecen incriminalo. Mentres tenta demostrar que non cometeu os delitos, a presión da investigación e do proceso xudicial afecta gravemente á súa muller, Rose.

• Mercar entrada

Tres vidas intimamente ligadas por unha das últimas obras, inacabada, de Federico García Lorca.

• Mercar entrada
• Ver o tráiler

Nunha pequena localidade de Kansas, a chegada de Hal Carter, un home atractivo e errante, altera a vida dos habitantes. Hal busca un antigo compañeiro de universidade, Alan Benson, pero axiña chama a atención de Madge, a noiva de Alan, e esperta sentimentos e desexos que permanecían agochados. Durante a celebración dun picnic, as tensións amorosas e sociais saen á luz.

• Mercar entrada

Karen Wright e Martha Dobie son dúas amigas que dirixen unha escola privada para nenas. Cando unha das alumnas inventa o rumor de que ambas manteñen unha relación lésbica, a mentira espállase e provoca un escándalo que destrúe a reputación das profesoras. Malia os seus intentos por defenderse, as dúas mulleres enfróntanse ao rexeitamento social e ás consecuencias dunha acusación que pon en perigo a súa carreira, a súa amizade e a súa vida persoal.

• Mercar entrada

Documental que denuncia e expón material sobre o golpe militar de 1971 en Bolivia liderado por Hugo Banzer, que derrocou o xeneral J. J. Torres.

• Mercar entrada

Tippi Hedren é Marnie, unha secretaria ladroa e mentireira que se pon a traballar para Mark Rutland (Sean Connery) e tenta roubarlle. Mark, impulsivamente, casa con ela e tenta descubrir as causas do seu obsesivo comportamento.

• Mercar entrada
• Ver o tráiler

Belgrado, 1941. Marko agocha o seu amigo Petar dos nazis nun soto onde un grupo de partisanos vive baixo terra e fabrica armas. Pero o que comeza como unha estratexia de supervivencia convértese nunha farsa lucrativa cando Marko convence os refuxiados de que a guerra continúa, manténdoos agochados durante décadas mentres el ascende na Iugoslavia comunista.

• Mercar entrada

Entre 1972 e 1974, o cineasta español Miguel Herberg infiltrouse nos círculos da extrema dereita chilena por iniciativa dos seus amigos Renzo e Roberto Rossellini e do uruguaio Danilo Trelles. Reuniu documentos, películas e fotografías que revelaban os preparativos do golpe de Estado, a implicación dos Estados Unidos e a represión da ditadura de Pinochet.

• Mercar entrada

A Libraría NUMAX acolle a presentación do libro Boundaries Road (Xerais) de Cecilia F. Santomé o martes 10 de novembro ás 10:00h. A autora estará acompañada pola escritora Berta Dávila. A entrada é libre ata completar aforo.

Milly Wetherby é unha muller solitaria que dedicou boa parte da súa vida ao coidado do seu pai. Cando coñece a Burt Hanson, un home bastante máis novo ca ela, cre atopar por fin o amor e a oportunidade de comezar unha nova vida. Porén, tras o matrimonio, a aparición de Virginia, a primeira muller de Burt, e a revelación de segredos do pasado poñen en perigo a felicidade da parella.

• Mercar entrada

Scottie Ferguson, un antigo detective da policía de San Francisco que sofre vertixe e medo ás alturas, acepta o encargo dun vello amigo para seguir a súa esposa, Madeleine, cuxo comportamento estraño parece estar relacionado cunha muller morta hai moitos anos. Fascinado por ela, Scottie mergúllase nunha investigación que se transforma nunha obsesión, na que se confunden a memoria, o desexo e a identidade.

• Mercar entrada

Treinta años después de su muerte, el documental recupera la figura de Xosé Lodeiro, uno de los pintores más singulares del arte gallego contemporáneo. A través de testimonios de su familia, de artistas, críticos, comisarios y coleccionistas, el film recorre las distintas etapas de su obra y su evolución creativa, al tiempo que se acerca a la personalidad del artista

• Mercar entrada

Marie e Jean forman un matrimonio que leva anos compartindo unha vida tranquila. Durante unhas vacacións na costa das Landas, Jean desaparece mentres nada no mar. A pesar de que non hai indicios de que sobrevivise, Marie négase a aceptar a súa morte e continúa comportándose como se el seguise ao seu lado.

• Mercar entrada