Dirixida, escrita, producida, fotografada e composta por Hong Sangsoo na súa faceta de home-orquestra do cinema, "Que che di esa natureza?" segue o mozo poeta Donghwa (Ha Seongguk), que visita por vez primeira a casa familiar da súa moza Junhee (Kang Soyi), descubrindo que é máis grande e luxosa do que pensaba.

• Mercar entrada
• Ver o tráiler

No final do verán, Clémence cóntalle ao seu ex marido que mantén relacións amorosas con mulleres. A súa vida vénse abaixo cando el queda coa custodia do fillo que teñen en común. Clémence deberá loitar para seguir sendo nai, muller e libre.

• Mercar entrada
• Ver o tráiler

Joseba Lekuona esculpe pezas para un mercado de arte exclusiva. Simeón Hidalgo, profesor xubilado, mantén a duras penas o museo Petrus.

• Mercar entrada

Mario Obrero presenta Con E de curcuspín (Rinoceronte) o xoves 11 de xuño ás 19:00h na Libraría NUMAX. O autor estará acompañado polo tradutor Moisés Barcia. A entrada é libre ata completar aforo.

Despois de que un incendio forestal arrasara a súa granxa, Dusty, un pai divorciado, vese obrigado a comezar de novo nun campamento de casas rodantes habilitado polo goberno. En medio da dor, encontra unha inesperada rede de apoio nos seus novos veciños, mentres tenta recompoñer os lazos rotos coa súa exmuller Ruby e a súa filla Callie-Rose.

• Mercar entrada
• Ver o tráiler

Emma (Zendaya) e Charlie (Robert Pattinson) teñen unha relación idílica e están a piques de casar. Con todo, días antes da cerimonia, enfróntanse a unha crise cando unhas inesperadas revelacións desbaratan o que un deles cría saber sobre o outro. Isto converterá a súa relación nun auténtico drama.

• Mercar entrada
• Ver o tráiler

Irene Lourido presenta O lado nobre (Xerais) o martes 16 de xuño ás 19:00h na Libraría NUMAX. A autora estará acompañada pola guionista Araceli Gonda. A entrada é libre ata completar aforo.

A Libraría NUMAX acolle a presentación de La piel hembra (Barrett) de Elaine Vilar Madruga o mércores 17 de xuño ás 19:00h. A autora estará acompañada pola actriz e escritora Iria Pinheiro. A entrada é libre ata completar aforo.