Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.

Os ollos verdes. O cinema inédito de NUMAX. Un ciclo que renovamos ano a ano e que reúne os títulos máis arriscados e anovadores da carteleira.

A nosa proposta para crianzas chámase Petís NUMAX, unha estupenda selección de filmes ideal para iniciar na sétima arte ás petís da casa.

2025 arranca por todo o alto nos focos de NUMAX, cunha selección de obras mestras do cineasta xaponés Mikio Naruse na década dos 50.

O ciclo Pioneiras recupera e pon en valor a figura de mulleres que, ademais de seren fundamentais na creación da linguaxe do cinema, abriron camiño para moitas cineastas que viñeron despois.

Nos meses de febreiro e marzo de 2025, da man da distribuidora Lost&Found, afondaremos nunha das xeracións máis talentosas do cinema moderno que xermolou na Checoslovaquia dos anos 60. Proxectaremos obras de Miloš Forman, Věra Chytilová, Vojtěch Jasný, Jan Němec, Karel Kachyňa, Juraj Herz e Drahomíra Vihanová.