Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

Os ollos verdes. O cinema inédito de NUMAX. Un ciclo que renovamos ano a ano e que reúne os títulos máis arriscados e anovadores da carteleira.

A nosa proposta para crianzas chámase Petís NUMAX, unha estupenda selección de filmes ideal para iniciar na sétima arte ás petís da casa.

Ao fío da reedición do libro "Días de una cámara" (Libros Walden), de Néstor Almendros, en NUMAX celebramos un foco con 4 grandes obras que contaron co traballo do director de fotografía catalán. O ciclo foi confeccionado en colaboración con 3 directores de fotografía —Juan Meseguer, Alicia Francés e Alberte Branco— que van programar e presentar cada un dos filmes na sala de cinema.

O director, crítico e programador cordobés Ramiro Sonzini programa a segunda parte do ciclo "Fulgores e fracturas. Cine arxentino moderno", que arranca o 10 de outubro coa proxección de "Dar la cara", de José A. Martínez Suárez.