Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.

Os ollos verdes. O cinema inédito de NUMAX. Un ciclo que renovamos ano a ano e que reúne os títulos máis arriscados e anovadores da carteleira.

A nosa proposta para crianzas chámase Petís NUMAX, unha estupenda selección de filmes ideal para iniciar na sétima arte ás petís da casa.

No centenario do nacemento de Rafael Azcona, celebramos unha ampla retrospectiva en homenaxe e un dos maiores guionistas do cinema español.

Co gallo da estrea d'O axente secreto celebramos un Foco no que proxectamos algunhas das obras máis significativas do cineasta brasileiro Kleber Mendonça Filho.

Nos meses de marzo e abril dedicamos un foco a unha das cineastas máis relevantes da Nova Vaga Norueguesa: Anja Breien.