Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.

Os ollos verdes. O cinema inédito de NUMAX. Un ciclo que renovamos ano a ano e que reúne os títulos máis arriscados e anovadores da carteleira.

A nosa proposta para crianzas chámase Petís NUMAX, unha estupenda selección de filmes ideal para iniciar na sétima arte ás petís da casa.

Entre os meses de abril, maio e xuño os martes de NUMAX estarán dedicados a un dos cineastas máis persoais e subversivos do cinema español, que ademais ten destacado como produtor e como cineasta: Pere Portabella.

A actriz Bulle Ogier deu luz a tres alfaias do cinema moderno, asinadas por Jacques Rivette, que recuperamos en sesións únicas e irrepetibles.

As Sesións Teta de NUMAX consisten na proxección de películas da nosa carteleira adaptadas ao benestar de nais, pais e crianzas, cun volume sonoro e unha intesidade lumínica adaptadas e un aforo reducido.