Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.

Os ollos verdes. O cinema inédito de NUMAX. De outubro de 2017 a xuño de 2018.

No centeranio do nacemento do xenial director sueco Ingmar Bergman (1918-2018) ofrecemos unha ampla retrospectiva con 17 filmes en versión orixinal por vez primeira restaurados en 2K. Do 12 de xuño ao 11 de decembro de 2018, con pases únicos os martes.

Os ollos verdes. O cinema inédito de NUMAX. De setembro de 2018 a maio de 2019.

En colaboración coa distribuidora Capricci, o Cinema NUMAX proxecta 8 obras mestras en copias novas recén restaurada dun dos meirandes cineastas da historia, o xaponés Kenji Mizoguchi.

2019 arranca cun ciclo de documentais que nos achegarán ao proceso creativo de grandes artistas da Historia como Monet, Van Gogh, Degas, Picasso, Leonardo, Klimt, Schiele ou Rembrandt.

As noites de verán no Cinema NUMAX teñen como gran protagonista ao cineasta de Ohio Jim Jarmusch, de quen proxectaremos os seus 6 primeiros filmes e grandes obras da historia do cinema que o inspiraron. Do 4 de xuño ao 29 de agosto, de martes a xoves ás 22:00.

Co gallo da estrea comercial da última obra de Jonás Trueba, La virgen de agosto, programamos un foco coa filmografía case completa dun dos grandes renovadores do cinema de autor español. O foco complétase coa visita do director madrileño o xoves 22 de agosto.

Por quinto ano consecutivo o WOS Festival vívese en NUMAX con tres xornadas de proxeccións os días 12, 13 e 14 de setembro.

De setembro a decembro de 2019 poderemos gozar de 6 obras fundamentais na filmografía dun dos meirandes autores do cinema moderno.

Os ollos verdes. O cinema inédito de NUMAX. De setembro de 2019 a maio de 2020.

Do 2 ao 5 de outubro o Festival Internacional de Cine Curtocircuíto vívese en NUMAX.

O Cinema NUMAX é a sala española designada por Europa Cinemas para participar dos LUX Film Days, coa proxección simultánea en salas de toda Europa de dous filmes finalistas dos Premios LUX, que inclúen a presentación a cargo dos seus autores vía streaming e a participación no coloquio posterior en twitter.

O Cinema NUMAX súmase, un ano máis, ao Festival Cineuropa como unha das sedes do certame. Do 8 ao 18 de novembro de 2019.

O Cinema NUMAX en colaboración coa distribuidora Avalon ofrece un foco con 5 obras clave de John Cassavetes, o gran pioneiro do cinema independente americano.

A nosa proposta para crianzas chámase Petís NUMAX, unha estupenda selecció de filmes ideal para iniciar na sétima arte ás petís da casa. Todos os domingos pola mañá en NUMAX.

O Cinema NUMAX participa como unha das sedes da 15ª Mostra Internacional de Cinema Etnográfico do Museo do Pobo Galego.