Por segundo ano consecutivo o treito final da rúa Concepción Arenal vaise converter nunha sala de cinema ao aire libre na que imos proxectar dúas obras mestras de Jacques Tourneur e Douglas Sirk. A proxección, gratuíta até completar aforo, enmárcarse no Festival C, organizado polo Concello de Santiago e a Deputación da Coruña.
Co inicio do curso volven os Focos dedicados a grandes cineastas da Historia do Cinema. Do 3 ao 17 de setembro recuperamos 4 obras esenciais de Leopold Lindtberg, cineasta austríaco afincado en Suíza que nos anos 40 e 50 realizou emocionantes dramas humanistas no contexto da II Guerra Mundial. O programa do ciclo, que inclúe presentacións e coloquios, está organizado en colaboración con Lost&Found Films. Entradas xa á venda para todos os pases do ciclo!
A Libraría NUMAX acolle a presentación do poemario O corpo é umha promessa (Rodolfo e Priscila) de Lucia Cernadas o vindeiro martes 23 de xullo ás 19h00. A autoa estará acompañada polas escritoras Arancha Nogueira e Berta Dávila. A entrada é libre ata completar aforo.
O vindeiro venres 19 de xullo ás 19h30 a Libraría NUMAX acolle a conversa entre as investigadoras Helena Miguélez e Ana Fernández-Cebrián arredor do libro publicado por esta última, Fables of Development:
Este verán no noso ciclo Petís NUMAX temos preparada unha programación especial con filmes´que levan á gran pantalla contos clásicos como Os tres mosqueteiros, A bela e a besta, Pinocho ou os Revolting Rhymes Roald Dahl n'A rebelión dos contos entre outros.
Continúa a actividade «A aldea desmedida» coa conversa entre a guía turística María Otero Romaní e a arquitecta María Novas, que terá lugar o xoves 11 de xullo ás 20:30h na Libraría NUMAX. Nesta ocasión a temática sobre a que dialogarán será «A cidade (de)construída: estruturas arquitectónicas e estruturas de poder». Esta actividade está comisariada por Maos Innovación Social e subvencionada pola Deputación da Coruña.
