Por mor dunha avaría vémonos na obriga de cancelar todas as sesións do Cinema NUMAX ata novo aviso. En canto poidamos recuperar as proxeccións avisaremos na web, no boletín de novidades e nas nosas redes sociais.
A Libraría mantén o seu horario habitual a partir do luns día 25.
A Libraría NUMAX acolle a actividade Inventado timbroles, de Leticia Barbadillo, arredor do libro Timbrol e a pega (e os demais) (Xerais). Esta proposta, que se celebrará o sábado 30 de maio ás 18:00h, está pensada para cativada a partir de 7 anos en diante. A entrada é libre ata completar aforo.
A Libraría NUMAX acolle a presentación de Un conjuro (Letraversal) de Paula Melchor o mércores 27 de maio ás 19:00h. A autora estará acompañada polo xornalista Adrián Viéitez. A entrada é libre ata completar aforo.
Celebra o Día das Letras Galegas con NUMAX! Este 2026 no que se homenaxea á escritora Begoña Caamaño teremos o desconto do 10% nas compras de libro en galego durante a xornada do luns 18 de maio (en tenda e na web). O propio domingo 17 de maio, a libraría permanecerá pechada pero o desconto do 10% estará activo na nosa web.
A Libraría NUMAX acolle a presentación do libro Ninfa pobre (La uÑa RoTa) de Maite Dono o venres 22 de maio ás 19:00h. A autora estará acompañada pola poeta Luz Pichel. A entrada é libre ata completar aforo.
Bea Lema e Alberto Vázquez chegan a NUMAX para a segunda conversa de PAPEL E PRATA o mércores 13 de maio ás 19:00h na sala de cinema cunha aula que leva por título «Debuxos animados». Esta actividade está comisariada pola Libraría NUMAX e subvencionada pola Deputación da Coruña. A entrada para asistir é gratuíta até completar aforo. Para realizar a reserva hai que escribir ao correo de [email protected] indicando nome completo e un teléfono de contacto (pódense reservar varias prazas por persoa).
