Desde este mes de marzo as matinais dos domingos en NUMAX ofrecen unha selecta programación de cinema para introducir as crianzas no mellor cinema. Xa podes consultar os títulos e horarios da nosa programación Petís para os meses de marzo, abril e maio, onde destaca a presenza de grandes filmes de estrea que chegan ás salas tras o seu paso por prestixiosos festivais (A famosa invasión dos osos en Sicilia —Festival de Cannes—, O bosque de Haquivaqui —Shanghai Film Festival —), estupendas compilacións de curtas de aprendizaxe (A sopa de pedras) e grandes clásicos do cinema como a toupiña Krtek (As aventuras da toupiña), os mestres da comedia muda Charles Chaplin (Tempos modernos) e Buster Keaton (Veciños + O grande espectáculo + O espantallo) ou o xenial e inclasificábel Jacques Tati (Día de festa).

Pide xa a túa tarxeta Petís na que iremos selando cada sesión co carimbo da nosa querida toupiña e, se vés a 5 proxeccións, a seguinte vai da nosa conta! Ademais todos os pases teñen entrada reducida a 4€ para menores de 13 anos.

29 de febreiro (16:00h* horario especial) | 1 e 15 de marzo ás 11:30
A famosa invasión dos osos en Sicilia (Lorenzo Mazzotti, 82', 2019,  VE, +7)

8 e 22 de marzo ás 11:30
Tempos modernos (Charles Chaplin, 89', 1936, VOSE, +7)

29 de marzo e 12 de abril ás 11:30
A sopa de pedras (VV.AA., 40', 2016,  VE, +3)

5 e 19 de abril ás 11:30
Curtametraxes Buster Keaton: Veciños + O grande espectáculo + O espantallo (59', 1920-1921, VOSE, +4)

26 de abril e 10 de maio ás 11:30
O bosque de Haquivaqui (Rasmus A. Sivertsen, 75', 2016, VE, +4)

3 e 17 de maio ás 11:30
Día de festa (Jacques Tati, 81', 1949, VOSE, +7)

24 e 31 de maio ás 11:30
As aventuras da toupiña (Zdeněk Miller, 40', 1969-1975, VO, +3)