Ainara (Blanca Soroa), unha moza idealista e brillante de 17 anos, debe decidir que carreira universitaria vai estudar. Ou, cando menos, iso agarda a súa familia que faga. Porén, a moza manifesta que se sente cada vez máis preto de Deus e que está pensando abrazar a vida de monxa de clausura. A noticia colle por sorpresa a toda a familia provocando un abismo e unha proba de fogo para todos.

• Mercar entrada
• Ver o tráiler

Jessica, Perla, Julie, Ariane e Naïma viven nun refuxio para nais mozas. Son cinco adolescentes que se criaron en circunstancias difíciles e loitan por construír unha vida mellor para elas e os seus fillos.

• Mercar entrada
• Ver o tráiler

Isolda Santiago presenta Escrita oculta (Chan da Pólvora) na Libraría NUMAX o venres 7 de novembro ás 20h. A autora estará acompañada pola xornalista Carme Vidal. A entrada é libre ata completar aforo.

En 1920, Naomi Murdoch abandonou a súa pequena vila e a súa familia para poder actuar noutras partes do país. Dez anos despois, a súa filla Lily convida a súa nai a vela actuar na súa obra do instituto. A volta ao seu fogar provocará os comentarios de toda a vila, espertando vellos conflitos e provocando emocións tormentosas.

• Mercar entrada

Outubro, 1936. O franquismo abre campos de concentración por todo o territorio. Empregan conventos, fábricas, escolas, prazas de touros, mosteiros... San Simón destaca pola súa insularidade. O réxime converte o antigo lazareto nun lugar de morte onde os prisioneiros sofren a represión rodeados dunha beleza abrumadora.

• Mercar entrada
• Ver o tráiler

Laura Mars, unha fotógrafa de Nova York famosa polas súas imaxes provocadoras de violencia e erotismo, comeza a ter inquietantes visións: ve a través dos ollos dun asasino mentres este comete os seus crimes. A medida que as mortes se achegan ao seu círculo máis íntimo, Laura tenta distinguir entre a inspiración artística e a obsesión, entre a realidade e a alucinación.

• Mercar entrada

Mentres a pandemia illa os uruguaios, Ariel proponse filmar a súa nai, Doris, unha destacada psicanalista. A través do seu relato, ela tece a historia da súa familia xudía que fuxiu de Alemaña, e tamén dos seus parentes nazis que ficaron. Fálanos de amor e desamor entre o seu pai xudeu e a súa nai alemá, filla dun nazi, e de como esa herdanza seuge a afectar as relacións entre pais e fillos 80 anos despois.

• Mercar entrada

En Nantes, Lola, unha bailarina de cabaré, leva sete anos agardando o regreso de Michel, o amante que a abandonou sen saber que estaba embarazada. No seu camiño crúzanse dous homes: Frankie, un mariñeiro estadounidense, e Roland Cassard, un antigo amigo de infancia que se namora dela. Pero Lola segue fiel ao recordo do seu amor perdido.

• Mercar entrada

Stéphane e Maxime fabrican e reparan violíns e outros instrumentos de corda. Un día, Maxime confésalle ao seu amigo que namorou de Camille, unha nova e talentosa violinista. Os primeiros encontros entre Camille e Stéphane son fríos, mais aos poucos ela empeza a sentirse atraída polo carácter reservado e impenetrable do socio do seu mozo. A resposta contida e enigmática de Stéphane convértese nun xogo de sedución silenciosa, onde o que se expresa é tan importante como o que queda sen dicir.

• Mercar entrada

A década dos sesenta foi unha época onde a ditadura e a represión dominaban a vida social e cultural española. Porén, unha chea de mozos enfrontáronse á orde establecida por amor ao rock and roll, que a contagotas chegaba aos seus ouvidos.

• Mercar entrada

Os Ánxeles, 1962. George Falconer é un profesor universitario británico que tenta comprender o sentido da vida tras a morte de Jim, o seu compañeiro sentimental. A dor e o baleiro empúrrano cara a unha decisión definitiva, mais ao longo dun día cheo de encontros e lembranzas, a presenza da súa amiga Charley e a beleza efémera do mundo poñerán á proba o seu desexo de rendición.

• Mercar entrada

Portugal, 1968. O ditador António de Oliveira Salazar cae da cadeira e sofre un derrame cerebral. Ao regresar ao seu palacio para recuperarse, xa non é presidente, mais ninguén lle revela a verdade: nin a súa fiel gobernanta, nin as criadas, nin o médico que o atende. Illado e atrapado entre a enfermidade e o delirio, Salazar aférrase á idea do poder, mentres a fronteira entre a realidade e a alucinación se esvae. Quere vencer á morte ou simplemente perpetuar a súa propia ilusión de autoridade?

• Mercar entrada

Unha actriz travesti, estrela do teatro porteño, alcanza o éxito profesional e económico e decide, xunto co seu home —un avogado acomodado—, adoptar un fillo. Mais ese soño de plenitude comeza a esfarelarse cando o pasado reaparece e a “domesticación” da súa vida parece poñer en risco a súa liberdade.

• Mercar entrada

Philip Hallard, un experto en espionaxe industrial retirado, vive en París coa súa muller, Jill, e cos seus dous fillos nunha aparente tranquilidade, traballando agora como informático. Pero esa paz esváese cando unha poderosa organización secreta secuestra os nenos para obrigalo a regresar ao seu antigo oficio.

• Mercar entrada

Ambientada en Nebraska, esta poderosa dramatización real recrea a historia de Brandon Teena, un mozo trans que, baixo a aparencia dun home, tenta construír unha nova vida nunha pequena comunidade rural. O filme explora o amor, a identidade e a violencia, e acende unha luz sobre a vulnerabilidade e a coraxe de quen se enfronta ao rexeitamento e á discriminación.

• Mercar entrada

Este documental propón unha viaxe pola vida e a obra de Julio Camba, un dos xornalistas máis populares da primeira metade do século XX. A través da memoria e das voces de biógrafos, xornalistas, intérpretes e amizades, o filme reconstrúe o seu percorrido vital polas cidades nas que viviu e escribiu (Bos Aires, Istambul, Londres, París, Berlín, Roma, Lisboa e Nova York) mentres asistimos ao seu derradeiro baño na habitación 383 do Hotel Palace de Madrid, onde pasou os últimos trece anos da súa vida.

• Mercar entrada

Portugal, 1968. O ditador António de Oliveira Salazar cae da cadeira e sofre un derrame cerebral. Ao regresar ao seu palacio para recuperarse, xa non é presidente, mais ninguén lle revela a verdade: nin a súa fiel gobernanta, nin as criadas, nin o médico que o atende. Illado e atrapado entre a enfermidade e o delirio, Salazar aférrase á idea do poder, mentres a fronteira entre a realidade e a alucinación se esvae. Quere vencer á morte ou simplemente perpetuar a súa propia ilusión de autoridade?

• Mercar entrada

Daniel Hirsh, médico homosexual de mediana idade, e Alex, unha muller divorciada, comparten —sen sabelo ao principio— unha relación co mesmo home: Bob, un artista máis novo ca eles. A medida que as historias se entrelazan, a película explora con serenidade e complexidade emocional os límites do amor, o desexo e a soidade.

• Mercar entrada

Frédéric leva unha vida académica acomodada: casado coa súa muller Hélène, avanza cara ao nacemento dun segundo fillo e goza dunha rutina tranquila. Mais a serenidade vese alterada cando reaparece na súa vida Chloé, un antigo amor libre e sedutor que devolve ao seu mundo a tentación e o desexo. A través de tardes informais, paseos e conversacións, Frédéric enfróntase á dúbida: permanecer fiel ao compromiso vello e seguro ou sucumbir á promesa dunha liberdade illada mais fugaz.

• Mercar entrada

En 2009, un home e dous cómplices tentan desaloxar os membros da comunidade indíxena Chuschagasta, no norte de Arxentina. Reclamando a propiedade da terra e armados con pistolas, matan o líder da comunidade, Javier Chocobar. O asasino queda gravado en vídeo. Tras nove anos de protestas, en 2018 ábrese finalmente o proceso xudicial. Durante todo este tempo, os asasinos seguen libres.

• Mercar entrada

A Libraría NUMAX acolle a presentación do libro Corpus (Através) de Raquel Miragaia o martes 11 de novembro ás 19h. A autora estará acompañada pola escritora Teresa Moure. Coincidindo co Día das Librarías, faremos un 5% de desconto en todos os libros que se merquen tanto en tenda como na web. A entrada é libre ata completar aforo.

Mentres a pandemia illa os uruguaios, Ariel proponse filmar a súa nai, Doris, unha destacada psicanalista. A través do seu relato, ela tece a historia da súa familia xudía que fuxiu de Alemaña, e tamén dos seus parentes nazis que ficaron. Fálanos de amor e desamor entre o seu pai xudeu e a súa nai alemá, filla dun nazi, e de como esa herdanza seuge a afectar as relacións entre pais e fillos 80 anos despois.

• Mercar entrada

Tras ser abandonada polo seu home, Mildred decide saír adiante pola súa conta e funda un exitoso negocio de restauración, sacrificando todo polo benestar da súa filla Veda. Mais a relación entre ambas, marcada pola ingratitude, a envexa e o desexo de ascenso social, acaba converténdose nun tormento que conducirá á destrución. "Alma en suplicio" é un melodrama clásico con trazos de film noir sobre o amor maternal levado ao límite, a culpa e o prezo da ambición.

• Mercar entrada

Ambientada na Inglaterra eduardiana, "Maurice" conta a historia dun mozo que loita por aceptar a súa identidade nunha sociedade que condena o amor entre homes. Maurice Hall, educado segundo os valores morais da súa clase, descobre o desexo e a súa verdadeira natureza a través da amizade e do amor con Clive Durham, compañeiro de universidade en Cambridge.

• Mercar entrada

Nas extensas chairas da Güiana venezolana, as palmeiras de moriche —árbores sagradas e fonte de vida para as comunidades locais— esténdense sobre unha terra atravesada pola cobiza. Baixo o seu manto húmido agóchase o ouro que atrae mineiros e aventureiros, transformando o ecosistema nun escenario de resistencia e ruína.

• Mercar entrada

120 horas de imaxes de arquivo: isto é o que resta de 35 anos de ditadura de Stroessner en Paraguai. A partir deste corpus de imaxes raras encontradas en todo o mundo, a película reconstrúe a historia dunha das ditaduras máis duradeiras do século XX, cuxos efectos aínda se deixan sentir hoxe en día.

• Mercar entrada

Nunha zona mineira dos suburbios de Pensilvania, Wanda —interpretada pola propia Barbara Loden— abandona o seu home, renuncia á custodia dos fillos e inicia unha errática viaxe polo lado máis escuro e marxinal do país. Rodada en 16 mm cun pequeno equipo de catro persoas, Wanda é unha obra fundacional do cinema independente estadounidense dos anos setenta, un retrato cru e luminoso dunha muller que busca, sen atopala, a súa liberdade.

• Mercar entrada

Tras o remate da Segunda Guerra Mundial, Henry Warren, un terratenente ambicioso, tenta facerse coas leiras dos seus veciños para construír un gran complexo agrícola. Mais atópase coa resistencia de dous pequenos propietarios: Rad McDowell, un veterano branco empobrecido, e Reeve Scott, un agricultor negro decidido a defender a súa herdanza familiar.

• Mercar entrada

Cincuenta anos despois do 25 de abril de 1974, Luciana Fina revisita as imaxes da Revolución dos Caraveis, a través dos arquivos da Cinemateca Portuguesa e RTP.

• Mercar entrada

Derradeiro encontro da actividade de NUMAX, «Dicir as marxes», o mércores 13 de novembro ás 20h. O arqutiecto Plácido Lizancos e o antropólogo Íñigo Sánchez-Fuarros clausururán o ciclo cun evento que leva por título «Feo ti. O útil e o bonito no patrimonio arquitectónico». Esta actividade está comisariada pola Libraría NUMAX e subvencionada pola Deputación da Coruña.

Retrato dun cineasta valente, un enfant terrible nos seus inicios, combativo fronte á censura e sempre disposto a explorar os límites da liberdade de expresión. Cronista da cara máis escura da Transición, a súa traxectoria acabaría afundíndose nos infernos da drogadicción e no esquecemento durante máis dunha década. Repudiado por moitos, logrou finalmente saír do ostracismo e regresar ao seu verdadeiro vicio: o cinema, a adicción da que nunca conseguiu desengancharse.

• Mercar entrada

Unha das obras mestras do cinema dos setenta, que redefine o xénero negro desde a súa mirada máis amarga.

• Mercar entrada