Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.

A nosa proposta para crianzas chámase Petís NUMAX, unha estupenda selección de filmes ideal para iniciar na sétima arte ás petís da casa.

Nun momento histórico como o actual, marcado pola vulneración continua dos dereitos humanos e a escalada belicista, iniciamos un ciclo con películas que, ao longo da historia do cinema, teñen erguido a voz contra as guerras.

Durante o mes de xuño celebramos un foco con 4 obras mestras de R.W. Fassbinder, un dos maiores creadores do cinema moderno.

Coa chegada do mes de xullo regresa Nocturama, o noso ciclo de verán, que arranca co ciclo "Primeiros planos. Óperas primas de grandes cineastas" onde recuperamos os debuts de autoras clave da Historia do cinema como S. M. Eisenstein, Sidney Lumet, Satyajit Ray, Andrei Tarkovsky, Terrence Malick, Aki Kaurismäki, Kelly Reichardt, Oliver Laxe ou Alice Rohrwacher.