Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.

A nosa proposta para crianzas chámase Petís NUMAX, unha estupenda selección de filmes ideal para iniciar na sétima arte ás petís da casa.

Nun momento histórico como o actual, marcado pola vulneración continua dos dereitos humanos e a escalada belicista, iniciamos un ciclo con películas que, ao longo da historia do cinema, teñen erguido a voz contra as guerras.

Co gallo da estrea en salas da nova película de Ángel Santos, ofrecemos ao director pontevedrés a posibilidade de programar 4 películas que teñen sido importantes na súa formación cinematográfica e na concepción de "Así chegou a noite".