En 1811, Mary Anning, unha nena de doce anos curiosa e vital, pasa os días explorando a beira do mar en busca de fósiles, esas estrañas pedras doutro tempo.
Alice preséntase ante o xuíz, sabendo que non hai marxe para o erro. Debe falar en nome dos seus fillos e enfrontarse ao seu pai xa que a súa custodia está en xogo. Poderá facer oír a súa voz e protexelos antes de que sexa tarde de máis?
Alicia e Gonzalo, unha parella de clase media, atópanse coa oportunidade de matricular o seu fillo Fer nun colexio laico de elite. Para os pais supón asomar a cabeza na clase alta, novas amizades, maiores ingresos, vantaxes incontables. Din facelo polo seu fillo.
A nova colaboración co ciclo De Lugares e Órganos trae a NUMAX "Ordet (A palabra)", obra mestra do cineasta dinamarqués Carl-Theodor Dreyer.
Pablo (Alfredo Mayo), un amigo de Julián (López Vázquez), acaba de casar con Elena (Geraldine Chaplin), unha sofisticada estranxeira. Julián obsesiónase tanto con ela que empeza a facer as beiras e tentar de cambiar o aspecto físico e os hábitos da enfermeira que atende a súa consulta, xa que se parece bastante a Elena.
Pasou un mes desde que un cometa que visita a Terra cada mil anos fose avistado desde Xapón. Mitsuha é unha estudante que se lamenta da súa vida no campo cada a súa irmá pequena, a súa avoa e seu pai, un político ao que nunca ve.
María Ángeles é unha española de 79 anos que vive soa en Tánxer, onde goza o seu día a día na cidade. Todo muda cando a súa filla Clara chega desde Madrid para vender o apartamento no que viviron. Decidida a ficar na cidade que a viu medrar, fará todo o posible para manter o seu fogar e os obxectos da súa vida.
O matrimonio formado por Johan, profesor de psicoloxía, e Marianne, avogada, recibe unha noite na súa casa a visita dos seus amigos Peter e Katerina. Ao pouco tempo, os convidados empezan unha forte discusión na que os anfitrións tentar mediar sen éxito algún. Cando fican sós, Johan e Marianne empezan a falar do seu matrimonio e dos seus problemas.
Unha foquista en crise profesional emprende unha viaxe até as últimas fareiras. O que comeza como unha busca externa desemboca nun relato interior onde o proceso de facer cinema cruza coas historias das fareiras.
Unha moza estudante de música sofre un accidente de coche no que morre o seu mozo. Milagrosamente sae ilesa e é acollida por unha estraña familia. Tras pasar un tempo con eles atopa o apoio para recuperarse pero decátase de que algo nesa familia non vai ben.
Quentin Tarantino une os volumes 1 e 2 de "Kill Bill" nunha epopea única sen censura, presentada tal como a concibiu, cunha nova secuencia de animación inédita. Uma Thurman interpreta A Noiva, dada por morta despois de que o seu antigo xefe e amante Bill lle disparase na cabeza.
En México, a inicios do século XX, o humilde cura Nazario comparte a súa pobreza cos necesitados que habitan o mesón Chanfa. Despois de protexer unha prostituta que provoca un incendio, Nazario vese obrigado a abandonar o lugar. Obra mestra de Buñuel coa que recordamos o gran actor Francisco Rabal (1926 - 2001) no centenario do seu nacemento.
Un humilde barbeiro xudeu que combateu co exército de Tomania na Primeira Guerra Mundial volve á súa casa anos despois da fin do conflito. Amnésico a causa dun accidente de avión, non recorda practicamente nada da súa vida pasada.
Sesión adicada a unha selección de obras da distribuidora galega La Machina
Recrea a historia real do secuestro de 1977 que converteu a Tony Kiritsis, un aspirante a empresario de Indianápolis, nun excéntrico heroe popular proscrito.
Óscar Restrepo, o poeta do título, non foi quen de estar á altura dos seus prometedores inicios na literatura e sobrevive como pode dando aulas nun instituto e coidando da súa nai. En Yurlady, unha das súas alumnas, descobre un espírito afín, un diamante en bruto da poesía.
Co gallo da estrea do último filme de Gus Van Sant —"Prime Crime: A True Story"—, recuperamos un título de culto da etapa máis radical do cineasta norteamericano, protagonizado por Matt Damon e Casey Affleck.
"Un hombre libre" explora a vida e obra de Agustín Gómez Arcos, o escritor español exiliado que alcanzou grande éxito na literatura francesa nos anos 70, mentres o seu nome permanecía silenciado en España.
Catro mozas adolescentes viven nunha mesma granxa do norte de Alemaña en épocas diferentes. Co paso dos anos, a casa transfórmase, pero o eco do pasado resoa entre as vellas paredes. A pesar das décadas que as separan, as súas vidas parecen reflexarse entre elas.
Sergio viaxa a África Occidental para traballar como enxeñeiro ambiental. Alí entabla unha relación estreita, aínda que un tanto desequilibrada, con Diara e Gui. Axiña descobre que un enxeñeiro italiano, ao que lle asignaron a mesma misión uns meses atrás, desapareceu misteriosamente.
Desde hai dous séculos, Chorromujo, o que un día foi "o Rei dos Xitanos", deambula en silencio polas rúas de Granada. A chegada de Anas, un mozo marroquí en busca da casa dos seus antepasados, inicia unha busca polas ruínas da cidade en transformacion.
Tras a morte de Franco e a restauración da Monarquía, o marqués de Leguineche regresa ao seu palacio de Madrid. Logo de trinta anos de exilio voluntario na súa finca Los Tejadillos, proponse achegarse ao Rei para reanudar a vida cortesá de antes.
Un escultor establece o seu taller nunha afastada zona rural da costa galega. Pouco a pouco irá illándose da súa contorna, cortando todo contacto con amizades e familiares. Cando un antigo amor acode ao seu encontro provocará a reflexión do escultor sobre o seu desexo de illamento e a necesidade dunha nova fuxida.
