O artista galego Rodríguez-Méndez será o gran protagonista do quinto e último Episodio de Creación Contempoánea de NUMAX co seu traballo Ir. A obra será presentada o luns 16 decembro ás 20:00 nun acto que tamén contará coa presenza do comisario do ciclo, Ángel Calvo Ulloa.
Xa está aquí a esperada estrea de Longa noite, o novo filme de Eloy Enciso que nos traslada aos tempos da posguerra a partir de textos de Max Aub, Luís Seoane ou Alfonso Sastre. Para acompañalo temos preparada unha primeira semana chea de felices encontros, presentacións e coloquios. Toma boa nota e achégate a gozar dun dos grandes títulos de 2019!
Participaron 59 librerías de toda España, e finalmente o xurado decidiu premiar a Libraría NUMAX de Santiago, que compuxo un escaparate reconstruíndo algúns fitos literarios na historia da mítica editora.
A ilustradora e deseñadora Marie G. Rohde presenta Monstruos verdaderos amenazan al planeta (Zahorí de Ideas) este sábado 30 ás 12:30 na libraría NUMAX. Rohde, sueca afincada en Barcelona, ten traballado para grandes marcas internacionales como Uniqlo, Tiffany, Macy’s ou Condé Nast. O seu interese innato pola mitoloxía e o medio ambiente levárona a publicar este seu primeiro libro.
As últimas semanas do ano chegan cargadas de sorpresas ao ciclo Os ollos verdes. O cinema inédito de NUMAX, coa proxección en pases únicos de obras de culto (Cando fomos bruxas), agardados títulos da tempada (Liberté, Love Me Not, Letters to Paul Morrisey) e a presentación en sala, a cargo de Adán Aliaga, de El cuarto reino.
A sesión dobre Varda / Akerman coa proxección dos seus últimos e extraordinarios traballos virá precedida dunha clase maxistral en NUMAX de Diana Toucedo, realizadora dunha das máis fermosas longametraxes do ano pasado, Trinta lumes, e tamén montadora e docente excepcional na Universidade Pompeu i Fabra e na ESCAC, onde actualmente está ao cargo do departamento de Documental/Non-ficción. Diana analizará estes dous filmes e, por extensión, o cinema de dúas das cineastas máis importantes (do xénero que sexa) da historia do cinema. Será o domingo 17 ás 12:00.
