A Libraría NUMAX acollerá o xoves 19 de outubro ás 20:00h a presentación do libro da ilustradora Nuria Díaz, «Alfred Hitchcock: el niño que filmó el miedo, editada por Libre Albedrío. A autora estará acompañada pola comunicadora Ana Gayoso. A entrada é libre ata completar aforo.
O Festival Internacional de Cinema Curtocircuíto celebra a súa vixésima edición e en NUMAX temos a honra de ter sido sede en nove delas. Neste 2023 acolleremos 5 sesións nas que teremos cinema galego, charlas, cartas brancas e moito máis. Comezamos!
A Libraría NUMAX acollerá o próximo mércores 18 de outubro ás 20:00h da tarde a conversa literaria entre o artista e escritor Xelís de Toro e a poeta e xornalista Marga Tojo baixo o nome «Espazos para habitar, espazos para crear». A entrada é libre ata completar aforo.
Coa volta ao curso universitario regresa tamén a nosa liña de programación Os ollos verdes, que xunta as propostas máis arriscadas e anovadoras da carteleira. Arrancamos o mércores 4 de outubro cun pase especial de Misión a Marte con presentación e coloquio do seu autor.
A nosa programación de Repertorio do mes de outubro está consagrada a un dos directores que máis fixo avanzar a linguaxe do cinema en cada un dos filmes. O Foco Orson Welles inclúe dúas adaptacións de William Shakespeare ―Macbeth e Othello―, seguidas de dúas alfaias como Míster Arkadin e Fraude.
A Libraría NUMAX acollerá o xoves 5 de outubro ás 20:30h a presentación da primeira novela de Greta García, «Solo quería bailar», editada por Tránsito. A bailarina e coreógrafa estará acompañada pola escritora Berta Dávila. A entrada é libre ata completar aforo.
