O encontro A cor das palabras que organizamos co Concello de Santiago está de volta! Para encetar a actividade neste 2023 teremos connosco a Álvaro Gago, director de Matria. A cita é o sábado 22 de abril ás 11:30 e a entrada é libre e gratuíta, se ben recomendamos reserva previa no correo [email protected].
Na primavera de 2015, o Cinema e a Libraría NUMAX abrían as súas portas para dar a coñecer un novo proxecto cooperativo e cultural. Para celebrar este tempo compartido e agradecer ao voso apoio á cultura e ao cinema independente, desde a cooperativa NUMAX organizamos unha xornada de celebración na que abriremos as nosas portas á vosa participación e a doutras iniciativas irmás. A actividade terá lugar o sábado 15 de abril e conta co apoio da Xunta de Galicia con cargo aos fondos Feder para desenvolver accións que favorezan a recuperación do sector da exhibición.
A libraría NUMAX acollerá o mércores 5 de abril ás 20h00 a presentación de «Sangre de horchata», de Luisa Castro editado por Alfaguara. No acto, a autora conversará coa escritora Marilar Aleixandre. A entrada é libre ata completar aforo.
A libraría NUMAX acollerá o mércores 29 de marzo ás 20h30 a presentación de «Viva a comuna!», de Carlos Meixide editado por Xerais. No acto, o autor estará acompañado polo poeta e dramaturgo Carlos Santiago. A entrada é libre ata completar aforo.
Os luns do mes de marzo tedes 4 citas únicas co cinema máis arriscado e anovador do ciclo Os ollos verdes. Desde o luns 6 poderedes gozar do premio NUMAX Exhibición do festival Intersección da Coruña con coloquio en liña incluído; a incrible historia dun mito do baloncesto balcánico; e dúas citas co ciclo Historias para contarnos que reinvindica a presenza da muller no audiovisual, en colaboración coa distribuidora Begin Again Films.
