A Libraría NUMAX acolle a presentación de Comer con los ojos (España) de Jorge Guitián o xoves 17 de setembro ás 19:00h. O autor estará acompañado polo historiador da arte Miguel Ángel Cajigal (@elbarroquista). A entrada é libre ata completar aforo.
A Libraría NUMAX acolle a copresentación dos poemarios Irreversible (Malafera) e Muda (Malafera), de Óscar Sánchez e Helena Quintela, o venres 18 de setembro ás 19:00h. As escritoras estarán acompañadas pola poeta e editora Branca Trigo. A entrada é libre ata completar aforo.
A Libraría NUMAX acolle a presentación do libro especies invasoras (Espiral Maior) de Branca Trigo Cabaleiro o xoves 10 de setembro ás 19:00h. A autora estará acompañada polo poeta Jesús Castro Yáñez. A entrada é libre ata completar aforo.
Regresa o curso académico e con el volve un dos clásicos da nosa programación: Os ollos verdes. Xa se pode reservar butaca para as dúas primeiras citas do curso 2026/27: O olor a leite queimado (luns 7), de Justine Bauer, e Una película de miedo (luns 14) de Sergio Oskman.
A Libraría NUMAX acolle a presentación do libro Días de una cámara (ECAM) de Néstor Almendros o martes 8 de setembro ás 19:00h cos directores de fotografía Juan Meseguer, Alicia Francés e Alberte Branco. De seguido da presentación, ás 20:00h, proxectarase na sala de Cinema o filme La marquesa de O... (Eric Rohmer) dentro do Foco Néstor Almendros.
A nosa sección de Repertorio do mes de setembro vainos permitir coñecer de preto a fascinante figura de Néstor Almendros, un dos directores de fotografía máis prestixiosos do cinema de autor dos anos 60 e 70, de quen vén de reeditarse o influente libro Días de una cámara. Para axudarnos a confeccionar o ciclo, contamos coa colaboración de tres profesionais da dirección de fotografía —Juan Meseguer, Alicia Francés e Alberte Branco— que presentarán cadanseu filme de cabeceira cuxa fotografía correse a cargo de Almendros.
