Non queriamos cambiar de ano sen compartir as listas do mellor de 2025 para as traballadoras de NUMAX, incluíndo libros e filmes. Entre as cineastas máis repetidas destaca Lucrecia Martel, seguida de Kelly Reichardt, Kleber Mendonça Filho, Paulo Carneiro, Radu Jude ou Paul Thomas Anderson, e nas escritoras Aysegül Savas.
Vén de rematar un 2025 cheo de actividades e encontros felices na cooperativa NUMAX e, como cada ano, facemos un repaso ao máis destacado nos últimos 365 días. Moitas grazas por facelo realidade co teu apoio e participación!
O gran protagonista da nosa sección de Repertorio no ano 2026 será o guionista Rafael Azcona de quen se cumpre o centenario do seu nacemento. Ao longo de 2026, irán pasando pola nosa pantalla unha vintena de grandes títulos escritos por Azcona e dirixidos por autores da talla de Berlanga, Saura, Ferreri ou Cuerda. Primeiro pase o venres 2 de xaneiro con Plácido.
Este sábado 20 de decembro ás 19:15h proxectamos en pase único Emergency Exit, a última creación do director catalán Lluís Miñarro que supuxo ademais a derradeira interpretación da gran Marisa Paredes. O pase contará coa presenza da montadora da película, Diana Toucedo, para ofrecer presentación e coloquio do filme. Entradas xa á venda en web e billeteira.
O sábado 27 de decembro ás 17:30h celebraremos un segundo pase d'O camiño de Cova Eirós, documental que se achega ao traballo da arqueoloxía a partir da descuberta das primeiras pinturas rupestres de Galicia. O pase contará con presentación e coloquio a cargo do seu director, Xose González Varela e o arqueólogo Arturo de Lombera.
A Libraría NUMAX acolle a presentación de La edad infinita (Tránsito) de Miriam Reyes o xoves 11 de decembro ás 19h. A autora estará acompoañada pola poeta Olalla Cociña. A entrada é libre ata completar aforo.
