A Libraría NUMAX acolle a presentación da novela «A boca do río» de Alberto Lema, premiada co XLIII Premio Xerais de Novela 2026. Na presentación, que terá lugar o martes 27 de outubro ás 19.00h da tarde, o autor estará acompañado pola escritora Berta Dávila e o editor Fran Alonso.
Entre o sábado 10 de outubro e o martes 3 de novembro descubriremos algunhas das obras máis anovadoras do cinema arxentino dos 60 da man do director, crítico e programador cordobés Ramiro Sonzini. A segunda parte do ciclo Fulgores e fracturas, que tivo a súa primeira entrega en 2025, arranca este sábado 10 de outubro co filme Dar la cara, de José A. Martínez Suárez, que terá presentación e coloquio de Sonzini. Entradas xa á venda para todas as sesións do ciclo.
O vindeiro venres 9 de outubro teremos o luxo de contar coa presenza do cineasta cordobés Ramiro Sonzini que vai ofrecer presentación e coloquio de La noche está marchándose ya, unha emocionante homenaxe á cinefilia e o cineclubismo en tempos de precariedade. O filme, codirixido xunto a Ezequiel Salinas, chega a NUMAX tras un exitoso percorrido en festivais, con premios na SEMINCI, DocLisboa, Valdivia ou Jeonju entre outros certames.
O venres 2 de outubro ás 19:00h celebrarase en NUMAX o encontro literario con Irene Pujadas e Xaime Martínez enmarcado dentro do programa Afinidades Electivas. A actividade está promovida pola Subdirección Xeral de Promoción do Libro, da Lectura e das Letras Españolas do Ministerio de Cultura.
O xoves 15 de outubro ás 18:00h celebrarase na Libraría NUMAX o club de lectura do Festival Ateneo Barroco arredor do libro 555 (Errata Naturae, 2023) da escritora francesa Hélène Gestern. A actividade estará moderada pola libreira Mariña de Toro. A entrada é gratuíta, previa inscrición no correo electrónico [email protected].
O vindeiro luns 19 de outubro ás 19:00h tes unha nova cita co ciclo Os ollos verdes e a proxección do documental Amílcar, retrato do célebre dirixente revolucionario panafricanista Amílcar Cabral. A sesión contará cun coloquio posterior co seu director, Miguel Eek.
