A Libraría NUMAX acolle a presentación de Cantos do mar (Morgante) de Susana Rodríguez Barcia e Bosco Gil de Gárate o venres 21 de febreiro ás 19:00h. As autoras estarán acompañadas do cantante e escritor Xurxo Souto. A entrada é libre ata completar aforo.
O xoves 20 de febreiro ás 19:00h a Libraría NUMAX acollerá a presentación de Memórias em Movimento: História e Trauma nos Cinemas Ibero-Americanos (IUC). No evento estarán dúas das persoas que coordinaron o libro, Iván Villarmea e Silvana Mariani, así como Andrea Franco, autora dun dos capítulos. A entrada é libre ata completar aforo.
Durante os meses de febreiro e marzo, a sección de Repertorio de NUMAX estará dedicada a unha das xeracións máis rupturistas e estimulantes do cinema moderno, que se desenvolveu na Checoslovaquia dos anos 60. O ciclo, organizado en colaboración coa distribuidora Lost&Found, arranca o martes 11 de febreiro cun dos cumios deste movemento: Os amores dunha loura, de Miloš Forman.
Pasaron unhas semanas e a sensación de orfandade non cesa. A desaparición de David Lynch promete deixar un oco insubstituíble no cinema contemporáneo pero, para despedilo como se merece, en NUMAX temos preparada unha viaxe alucinante ao seu inimitable universo a través de 6 obras mestras imprescindibles. Toma nota e reserva xa as túas entradas!
Os colectivos Cadela Negra e Alauda Negra presentarán o fotolibro MAN. (Alauda Negra), III Premio Editorial de Fotografía Documental, o vindeiro venres 7 de febreiro ás 19:00h. Na presentación estarán o editor Xosé Lois Gutiérrez Failde e os fotógrafos Lois Cid e Toni Cortés. A entrada é libre ata completar aforo.
A Libraría NUMAX acolle a presentación de O segredo do trasno (Aira) de Alexandre Corbillón o vindeiro xoves 6 de febreiro ás 19:00h. O autor estará acompañado do director da editorial, César Lorenzo. A entrada é libre ata completar aforo.
