O filósofo, escritor e videoasta amateur Julius Richard achegarase á Libraría NUMAX para presentar o seu libro La requetemodernidad (Amargord Ediciones), un ensaio que parte dunha suxestiva declaración: non sabemos o que o cinema pode.
A proposta, que vai do 6 de xuño ao 31 de agosto, ofrece unha actividade distinta para as noites deste verán.
A cineasta portuguesa Rita Azevedo Gomes viaxa até o Cinema NUMAX para participar na presentación e coloquio do seu novo filme, Correspondencias, o venres 2 de xuño ás 19:30. Ao día seguinte, sábado 3 ás 12:00, no marco da Semana do Libro de Compostela (SELIC), a directora lisboeta participará nun coloquio coa doutora e poeta María do Cebreiro.
Aproveitando a celebración do festival máis prestixioso do mundo, a rede internacional de exhibición Europa Cinemas presentou en Cannes a súa memoria anual de resultados e actividades. Nela, o Cinema NUMAX aparece como exemplo do ano no contexto exhibidor español.
A terceira entrega da aula «A cor das palabras» fará posíbel o encontro do público de NUMAX cun autor fundamental da escena experimental do Canadá. Referímonos a Bruce Elder (1947), que nos visitará o luns 29 de maio ás 18:00 para manter na sala unha conversa con Francisco Algarín, investigador e fundador da Revista Lumière, coorganizadora do evento. Lembramos que «A cor das palabras» é un ciclo do Concello de Santiago de Compostela que está a achegar ao Cinema NUMAX a importantes cineastas do panorama contemporáneo.
