Tes entre 18 e 25 anos e manéxaste ben co inglés? Gústache compartir nas redes as túas impresións sobre o cinema? Soñas con poder ir ao Festival de Venecia con todos os gastos pagados? Se cumpres estas condicións ofrecémosche a oportunidade de vivir unha experiencia única. O Cinema NUMAX vén de ser designado por Europa Cinemas, o Parlamento Europeo e o Festival de Venecia como a sala española encargada de seleccionar a tres candidatas a participar nun dos festivais máis importantes do mundo. O proceso rematará coa elección, por parte do certame, da persoa finalmente elixida como embaixadora no festival.

Ver máis

A carteleira do Cinema NUMAX acolle a partir deste venres 17 de marzo a estrea de Parábola del retorno, Premio NUMAX Exhibición na última edición do Festival Márgenes. Asinado polo director colombiano Juan Soto, o filme reflexiona sobre a convulsa historia recente do seu país a partir da figura do exiliado.

Ver máis

Afeito a camiñar polo lado zurdo da vida, o poeta Víctor M. Díez publicou Todo lo zurdo na Colección Buccaneers de Varasek Ediciones. Asubiando a súa canción libremente improvisada estará acompañado o martes 14 de marzo ás 20 na Libraría NUMAX polo músico Bernardo Martínez.

(Fotografía: José Ramón Vega)

Ver máis

O sábado 11 de marzo ás 11:30 bota a andar «A cor das palabras. Encontros con cineastas», un ciclo do Concello de Santiago de Compostela que achegará ao Cinema NUMAX a importantes cineastas do panorama actual. O primeiro convidado será o animador coruñés Alberto Vázquez, cunha charla titulada «O debuxo como forma de pensamento».

Ver máis

Poucas semanas despois de arrasar nos Premios Goya co premio a mellor longa e mellor curta de animación, o director coruñés Alberto Vázquez visita o Cinema NUMAX para presentar Psiconautas, magnífica adaptación da novela gráfica homónima do propio autor. A presentación e coloquio de Vázquez terá lugar o luns 27 de febreiro ás 19:20 e xa se poden adquirir entradas na nosa web.

Ver máis

A segunda entrega do Tac, tac, tac ten como convidado ao escritor coruñés Manuel Rivas que escribirá en directo un conto mecanografado que só se poderá ler no espazo físico da Libraría NUMAX. O acto terá lugar o xoves 2 de marzo ás 18:00 e ten libre acceso. A actividade enmárcase na iniciativa comisariada por Suso de Toro que trae cada mes a un escritor ou escritora do noso panorama literario.

Ver máis