NUMAX presenta o seu programa didáctico «NUMAX na escola»
O vindeiro luns 22 de febreiro ás 19:00 horas o Cinema NUMAX (R/ Concepción Arenal, 9) abre as súas portas ao profesorado de educación primaria, secundaria e bacharelato para convidalo a participar na presentación de «NUMAX na escola», un programa didáctico destinado a alumnado e corpo docente, que busca achegar o cinema aos centros de ensino a través dun catálogo de proxeccións e unidades didácticas deseñado para un público infantil e xuvenil.