Un ano máis, e xa van seis, estamos moi felices de ser unha das sedes do Festival Cineuropa, unha cita fundamental para a cinefilia da cidade no que participamos este ano con sesións diarias do 7 ao 17 de novembro.
O vindeiro sábado 5 de novembro temos preparada unha xornada moi especial no que a mellor música e o cinema se dan a man, con proxeccións e actividades literarias. «Blow Up. A música no cinema» fai parte das actividades paralelas do Outono Códax Festival e está organizado xunto á Reixa Tenda.
O ciclo de conversas «É un falar» chega ao seu fin. A Libraría NUMAX acollerá o próximo venres 4 de novembro ás 20:30h da tarde ás poetas Luz Pichel e Ángela Segovia. No encontro, que leva por título «Ablandar a lingua», ambas falarán sobre as formas non regradas da lingua que empregan para construír as súas voces poéticas e sobre o seu uso como forma de subversión lingüística. Esta actividade está apoiada pola Deputación da Coruña e conta coa colaboración do Instituto da Lingua Galega.
Na recta final de 2022 volve coller forza o noso ciclo Os ollos verdes que acolle as estreas máis arriscadas e anovadoras da tempada. O estudantado da USC anotado no ciclo poderá acadar 1 crédito ECTS e gozar dunha entrada reducida de 4€. A primeira cita será este luns 24 coa nova creación do ilustrador coruñés Alberto Vázquez: Unicorn Wars.
A libraría NUMAX acollerá o sábado 5 de novembro ás 19:00h a presentación do libro Los 100 mejores documentales del Rock do xornalista e crítico musical Xavier Valiño e editado por Efe Eme. Este evento forma parte do ciclo Blow Up. A música no cinema, unha das actividades paralelas do Outono Códax Festival 2022.
A libraría NUMAX acollerá o venres 7 de outubro ás 20:30h a charla performance sobre poesía sonora «Poetas sen palabras» que ofrecerá o artista e escritor Xelís de Toro. Este acto é a antesala para entrar na novela Etceteramente, que o autor publicará en novembro coa editorial Xerais.
