O ciclo Nocturama volve ás tardes e noites de verán con Alfred Hitchcock presenta, un amplo ciclo que inclúe 4 obras mestras do mago do suspense acompañadas de filmes e autores herdeiros do estilo Hitch. Complétase o ciclo co documental de Mark Cousins My Name Is Alfred Hitchcock.
Este verán temos moitas sorpresas para vós! Os días mércores 5 e xoves 6 de xullo o Cinema NUMAX sae á rúa, con dúas proxeccións gratuítas ao aire libre que terán lugar no último treito de Concepción Arenal. A actividade conta co apoio da Xunta de Galicia con cargo aos Fondos FEDER e conta coa colaboración na parte técnica de Cine na Rúa.
Nos meses de xullo e agosto témosvos preparada unha programación moi especial que nos conducirá ao universo máxico do anime. Todos os filmes contarán con unha sesión dobrada e outra en VOSE.
Javier Rodriguez presenta o seu poemario Xeración (breve tradado de males inespecíficos), que lle valeu o Premio Victoriano Taibo 2022. O acto terá lugar o mércores 28 de xuño ás 20h30 na libraria de NUMAX. No acto o autor estará acompañado da escritora Maica Caramés. A entrada é libre ata completar aforo.
Antón Lopo presenta o seu novo poemario Diarios / 1 [Azul Monforte], que lle valeu o Premio Fiz Vergara Vilariño. O acto terá lugar o venres 23 de xuño ás 19h30 na libraria de NUMAX, en Compostela, como limiar á noite máxica das cacharelas nun acto onde participa Ismael Ramos. A entrada é libre ata completar aforo.
A segunda conversa da actividade «Veladas analóxicas» terá lugar o venres 7 de xullo ás 20:30 da tarde e reunirá na Libraría NUMAX ao escritor e poeta catalán Eduard Velasco e co escritor e poeta asturiano Xuan Bello para falar sobre «Selvas, xardíns e labirintos». Esta actividade está comisariada pola poeta Alicia Fernández e subvencionada pola Deputación da Coruña. A entrada é libre ata completar aforo.
