A poeta guitiríca Luz Campello presentará o venres 10 de marzo ás 20:30h o seu poemario Ben sabe o mar que posúo o botín das piratas editado por Galaxia. Campello estará acompañada nesta ocasión pola profesora Fe Nuñez e o escritor Xosé Antón Cascudo. Foto: Gosia Trebacz
A libraría NUMAX acollerá o xoves 9 de marzo ás 20h30 a presentación de «A parte fácil», o debut na narrativa de Ismael Ramos editado por Xerais. No acto, o autor estará acompañado pola escritora Berta Dávila e pola responsable de comunicación de Xerais, Sara Vila. A entrada é libre ata completar aforo.
Entre os meses de febreiro e abril celebramos un foco moi especial que nos permitirá gozar en pantalla grande dunha cineasta esencial: a belga Chantal Akerman. O ciclo está organizado en colaboración con Filmin.
Tras arrasar nos Goya con 9 premios, incluídos os de Mellor Filme e Dirección, As bestas chega a NUMAX cun evento moi especial no que contaremos coa visita de Diego Anido, nomeado nos Goya a mellor actor de reparto. A cita é o venres 17 de febreiro ás 19:00 con presentación e coloquio do actor compostelán. Xa se pode mercar entrada na nosa web ou na billeteira da sala.
O luns 27 de febreiro ás 20h00 a Libraría NUMAX acollerá a presentación do libro Alma, nostalgia, armonía y otros relatos sobre las palabras (Anagrama), escrito a catro mans entre a escritora Soledad Puértolas e a filóloga Elena Cianca. No acto estarán acompañadas polo escritor Suso de Toro. A entrada é libre ata completar aforo.
