As escritoras Marta Sanz e Berta Dávila estarán o xoves 29 de xuño ás 20h30 na Libraría NUMAX para celebrar un encontro literario enmarcado dentro do programa Afinidades Electivas. No evento estarán acompañadas polo xornalista Daniel Salgado. A actividade está promovida pola Dirección Xeral do Libro e Fomento da lectura do Ministerio de Cultura e Deporte.
A Libraría NUMAX sae á rúa do 9 ao 18 de xuño para participar na SELIC, que nesta ocasión se celebrará na Praza da Quintana. Este ano, participamos ademais coa organización dunha charla breve arredor da figura de Anne Carson e da recente publicación de A antropoloxía da auga (Chan da Pólvora) na que participarán as poetas Jesús Castro Yáñez, Oriana Méndez e Carlos Catena. Será o sábado 10 de xuño ás 19h00.
A escritora Bibiana Collado Cabrera presentará o próximo venres 2 de xuño ás 20:30 a súa novela Yeguas exhaustas publicada por Pepitas de calabaza & Los aciertos. A autora estará acompañada polo escritor Ismael Ramos. A entrada é libre ata completar aforo.
A libraría NUMAX acollerá o mércores 31 de maio ás 20h30 a presentación de «As cunchas baleiras» de Branca Novoneyra editado pola Chan da Pólvora. No acto, participarán a autora acompañada do editor Antón Lopo e da poeta Olalla Cociña. A entrada é libre ata completar aforo.
Unha semana máis tarde do encontro A cor das palabras con Pablo Marín, o ciclo que organizamos co Concello de Santiago continúa a súa actividade coa visita da parella de cineastas formada por Susana de Sousa Dias e Ansgar Schaefer, cuxa aula leva por título «Abrir a(s) historia(s). O proceso de realización de Viagem ao sol». A cita é o domingo 4 de xuño ás 11:30h.
Do 30 de maio ao 6 de xullo a nosa programación de repertorio terá como gran protagonista a Kinuyo Tanaka, célebre actriz da idade de ouro do cinema xaponés que, de 1953 a 1962, dirixiu 6 obras mestras nas que tratou temas inusuais para a época como o desexo e o corpo feminino, a maternidade ou o sexo entre mulleres. Abrimos esta retrospectiva completa o martes 30 de maio con Carta de amor, para a que xa podes reservar butaca.
