O docente e pedagogo Pere Peris e o psicoterapeuta Xavier Gimeno presentarán o próximo mércores 6 de setembro ás 20:30h o libro El valor de los cuidados. La supervisión publicado por Octaedro Editorial e coordinado por Arnau Careta e Neus Ballesteros. Estarán acompañados no acto polo escritor e profesor Eduard Velasco. A entrada é libre ata completar aforo.
PRAZAS ESGOTADAS!. Volve o Club de Lectura organizado entre a Libraría NUMAX e a editorial Irmás Cartoné. Neste segundo bloque temático de 2023, coordinado por Carlos Valdés e Celia Recarey, as lecturas centraránse nas viaxes como tema. A actividade conta co apoio do Concello de Santiago de Compostela.
O xoves 20 de xullo ás 20h00 acolleremos na Libraría NUMAX ás escritoras vascas Uxue Alberdi e Miren Amuriza xunto á escritora galega Eli Ríos. As autoras de La trastienda, Basa e Lunes, todas con obras publicadas en consonni, terán un encontro que porán en común as súas novelas. A entrada é libre ata completar aforo.
O próximo xoves 13 de xullo ás 19.30 da tarde a Libraría NUMAX acollerá a presentación de «Diario de dúas casas» de María Villamarín. Esta novela é o segundo título da colección Rúa do Lagarto que edita euseino?. Intervirán tamén a editora Berta Dávila e Carlos Lema, presidente da Fundación Euseino?. A entrada é libre ata completar aforo.
Se che gusta o bo cinema e tes 65 ou máis anos estás de noraboa! Todos os martes ata finais de ano poderás asistir a calquera filme de NUMAX por só 2€ grazas ao programa Cine Sénior que conta co financiamento do Instituto da Cinematografía e das Artes Audiovisuais do Ministerio de Cultura e Deporte (Goberno de España).
O ciclo Nocturama volve ás tardes e noites de verán con Alfred Hitchcock presenta, un amplo ciclo que inclúe 4 obras mestras do mago do suspense acompañadas de filmes e autores herdeiros do estilo Hitch. Complétase o ciclo co documental de Mark Cousins My Name Is Alfred Hitchcock.
