A Libraría NUMAX celebra un ano máis o Día do Libro! Será este domingo 23 de abril, en horario de 10:30 - 14:00 (mañá) e 16:00 - 20:30 (tarde). Abriremos ao público cun desconto do 10% en todos os libros en tenda e na nosa web.
Esta semana tes unha cita imprescindible cunha obra de culto da cinefilia mundial: París, Texas. A Palma de Ouro en Cannes 1984 será proxectada o sábado 22 de abril ás 20:00h en copia restaurada. Ao remate do filme, conectaremos en directo co BCN Film Fest onde Wim Wenders ofrecerá un coloquio retransmitido en streaming en salas seleccionadas entre as que se atopa NUMAX. Entradas xa á venda!
A libraría NUMAX acollerá o xoves 27 de abril ás 20h30 a presentación do libro «Mulleres espontaneadas», de Ángel Arcay editado por Baía Edicións. No acto, o autor estará acompañado pola editora Belén López Vázquez. A entrada é libre ata completar aforo.
A libraría NUMAX acollerá o mércores 19 de abril ás 20h30 a presentación de «Cultura Ingobernable», da política e investigadora Jazmín Beirak Ulanosky editado por Ariel. No acto, a autora conversará co investigador e mediador cultural, Fran Quiroga. A entrada é libre ata completar aforo.
O encontro A cor das palabras que organizamos co Concello de Santiago está de volta! Para encetar a actividade neste 2023 teremos connosco a Álvaro Gago, director de Matria. A cita é o sábado 22 de abril ás 11:30 e a entrada é libre e gratuíta, se ben recomendamos reserva previa no correo [email protected].
Na primavera de 2015, o Cinema e a Libraría NUMAX abrían as súas portas para dar a coñecer un novo proxecto cooperativo e cultural. Para celebrar este tempo compartido e agradecer ao voso apoio á cultura e ao cinema independente, desde a cooperativa NUMAX organizamos unha xornada de celebración na que abriremos as nosas portas á vosa participación e a doutras iniciativas irmás. A actividade terá lugar o sábado 15 de abril e conta co apoio da Xunta de Galicia con cargo aos fondos Feder para desenvolver accións que favorezan a recuperación do sector da exhibición.
