Max, un presidiario que acaba de saír da cadea, atopa na estrada mentres fai autostop a Lionel, un vagabundo sen destino, moito máis novo ca el e cunha grande inxenuidade. Max ofrécelle unirse a el como socio nun negocio de lavado de automóbiles que pretende montar en Pittsburgh e o que aspira a poñer fin á súa carreira de convicto habitual de todo tipo de prisións Ler máis

Sergei e Natalia e as súas dúas fillas son unha familia de refuxiados que intentan levar unha vida normal en Suecia: traballan arreo, envían as pequenas á escola local e aprenden o idioma, esperando ser algún día cidadáns do país. Ler máis

Bogotá, 1996. A poboación vive con medo a chegada dunha eclipse lunar porque disque o demo vai vir para secuestrar mozas inocentes. Mila, unha rapaza de 13 anos, nun momento no que o seu corpo empeza a transformarse, séntese cada vez máis angustiada pola presión e polas olladas dos demais. Ler máis

Tod Hackett chega a Hollywood a finais dos anos trinta co soño de traballar como decorador nun grande estudio cinematográfico. Alí coñece a Faye, unha moza ambiciosa que anhela triunfar como actriz e para iso se vai arrodeando de persoas que a poidan axudar a alcanzar o seu obxectivo. Xorde un romance entre eles, pero Faye acaba preferindo o estilo de vida que lle pode ofrecer un contable solitario Ler máis

José Val del Omar é unha figura esencial e ao mesmo tempo insólita dentro da historia do cinema. Cineasta cunha visión poética inconfundible, inventor, místico e visionario. Nesta sesión especial achegámoslle ao público de Cineuropa o "Tríptico Elemental de España", a obra maiúscula deste cineasta. Ler máis

Yoseli ten unha tatuaxe da Torre Eiffel nas costas e sempre quixo viaxar, pero foi arrestada no aeroporto por tráfico de drogas. Nacho é un home trans que foi detido por estafa e fundou unha banda de rock na prisión. Ler máis

Tras o atraco a un banco fronteirizo, Johnny Rio é traizoado por Dad, o seu mellor amigo e compañeiro de falcatruadas. Arrestado pola policía mexicana, bota cinco amargos anos no cárcere de Sonora, onde vive obsesionado coa idea de vingarse. Ler máis

Adela, profundamente conmovida pola morte da súa amiga Elena, atópase atrapada nunha dor que parece non ter fin. Buscando consolo, e esgotada emocionalmente, retrocede nunha viaxe no tempo a un outono de hai dez anos, a unha casa na praia onde o tempo parece deterse. Ler máis

América, anos trinta. Chuck Glover é un funcionario do Goberno do val do Tennessee, encargado de expropiar as terras da ribeira do río, xa que os seus habitantes sofren a miúdo os seus devastadores desbordamentos. Amais de evitar catástrofes, preténdese construír unha central hidroeléctrica que garanta o progreso da rexión. Ler máis

O 24 de agosto do 1937, o Consello Interprovincial de Asturias e León, máxima autoridade republicana, constitúe en “Consello soberano de goberno de todo o territorio da súa xurisdición, e a el quedan integramente sometidas todas as xurisdicións e organismos civís e militares que funcionan e funcionen no sucesivo dentro do referido territorio”. Ler máis

Este filme ficciona a reconstrución dunha colección de películas imaxinarias que potencialmente se puideron rodar no ano 1937 en Asturias. Imaxina así un posible cinema de propaganda impulsado desde as institucións e as organizacións políticas e sindicais republicanas asturianas que ben puido desenvolver o equipo xornalístico do diario socialista Avance. Ler máis

Marija e Kristina son dúas rapazas de 13 anos que devecen por fuxir da crúa realidade da súa cidade industrial. Coñécense nunha escola local de modelos, onde lles prometen unha vida mellor de triunfaren no mundo da moda. Ler máis

Adam White é un xornalista desesperado por atopar un traballo do seu. Nun bar coñece a Florence, a muller dun editor chamado Shrike, e este ofrécelle un posto na sección de consellos sentimentais do xornal. Ler máis

A comezos do século XX, o sultán de Marrocos, Moulay Abd el-Aziz, desexa explorar os misterios da cinematografía e busca a alguén que o guíe. O seu camiño crúzase co de Gabriel Veyre, operador de cámara dos irmáns Lumière Ler máis

En 1981, un antigo xeneral veterano da guerra de Vietnam, degradado das Forzas Aéreas norteamericanas, escapa dun cárcere de Montana xunto a tres homes. Ler máis

Todo acontece ao longo dunha fin de semana, nun hotel provincial, á beira do río. Unha familia ameazada pola bancarrota do hotel e esnaquizada por celos e desamores pero, sobre todo, pola incapacidade de amar. Ler máis

David Staebler, un DJ de radio nocturno e melancólico, accede á proposta do seu irmán Jason, un estafador extrovertido, de acompañalo a Atlantic City para participar nun turbio negocio inmobiliario. Malia á súa natureza reservada, David déixase arrastrar polo irmán e axiña os sucesos descontrólanse. Ler máis

Segunda sesión de curtametraxes galegas contemporáneas, con "A fotografía velada é espazo para unha proposta de memoria", "Arde Aral", "Queimar cando morra" e "Taquión". Ler máis

Unha moza de vinte anos que loita contra a soidade e a insatisfacción persoal atopa accidentalmente a un descoñecido en Facebook que comparte o mesmo nome ca o seu egoísta pai: Bob Trevino. Ler máis

Carrie Watts é unha anciá infeliz que vive cun fillo sobreprotector chamado Ludie e coa súa nora Jessie Mae, unha antipática señora que tenta controlala porque pensa que á súa idade non se dá valido por si mesma. Ler máis

En xuño do 2020 iníciase na Asemblea de Madrid unha Comisión de Investigación sobre as persoas falecidas durante a primeira onda da pandemia do Covid-19 nas residencias de maiores da Comunidade Autónoma de Madrid (CAM). Segundo datos da CAM, nos meses de marzo e abril do 2020 faleceron 9470 persoas que vivían nestas residencias. Só 2179 delas recibiron atención hospitalaria e 7291 non tiveron derivación. Ler máis

Un documental híbrido captura a loita creativa dos habitantes de Covas do Barroso, no norte de Portugal, contra os plans da empresa británica Savannah Resources, que quere construír a mina de litio a ceo aberto máis grande de Europa a poucos metros das súas casas. Ler máis

O jazz e a descolonización entretécense nesta montaxe histórica que reescribe un episodio político significativo, o que levou aos músicos Abbey Lincoln e Max Roach a infiltrarse no Consello de Seguridade da ONU en protesta polo asasinato do líder congoleño Patrice Lumumba. Ler máis

Aurora e Area, mulleres achegadas de mundos totalmente dispares e con gran diferenza de idade entre elas, establecen unha forte relación de intimidade, confianza e profundas conversas ligadas á morte, a familia, a guerra e a muller. Ler máis

Tras a morte do pai dos Mazzotti, a venda da casa familiar na praia é cousa de tempo. A vivenda, chamada Alelí, leva o nome formado polas iniciais de Alba e Alfredo, Ernesto e Lilián, pero exclúe a Silvana, a irmá máis nova, que chegou tarde para ser parte dese símbolo familiar. Ler máis

Terceira sesión de curtametraxes galegas contemporáneas, con "12 de maio de 1937", "A morte do último alcalde franquista", "Aínda hoxe as horas" e "Ruovesi". Ler máis

Hai 15 anos que Sandra vive por e para o seu fillo. Agora que o rapaz é adolescente comeza para ela unha nova etapa ao conseguir un emprego como garda de seguridade nun centro comercial. Ler máis

Myrtle Gordon é unha actriz de Broadway que se mete a fondo de máis na pel dos seus personaxes, co que iso supón de desgaste persoal. Está a ensaiar unha obra na que encarna unha muller que se nega a admitir que está a envellecer. Ler máis

O senador demócrata Jay Bulworth, farto da falsidade do mundo político, tolea e amaña o seu propio asasinato, dedicando o peche da súa última campaña electoral a dicir só a verdade a ritmo de rap. Ler máis

Cando C. Tangana coñece a Yerai Cortés queda completamente fascinado co seu talento e intrigado pola súa historia familiar. Yerai é unha figura inusual dentro do flamenco, tan respectada polos xitanos máis tradicionalistas como polos artistas vangardistas da nova onda da que el forma parte. Ler máis

Vincent, un veterano de guerra, regresa a Maryland, o seu estado natal, e comeza traballar nun hospital psiquiátrico privado para ricos. Alí namórase dunha fermosa paciente, Lilith, que vive abstraída nun mundo de seu. A medida que se vai achegando a ela, vai tamén afastándose da súa propia realidade. Ler máis

Salinas, California, 1917. Adam Trask é un modesto agricultor que vive cos seus fillos, Cal e Aron, aos que fixo crer que a súa nai, Kate, morrera. Ao iren medrando, a rivalidade entre os mozos polo cariño do pai intensifícase, poñendo de manifesto as súas personalidades tan diferentes. Ler máis

Estados Unidos a finais dos anos 50. Marcia Jeffries, que traballa na radio local do seu pai en Arkansas, visita a prisión da vila na procura de alguén que participe no seu programa. Alí coñece a Larry Rhodes, un vagabundo borracho e cantante que expresa con descaro todo o que pensa. Impresionada pola súa actitude, Marcia decide levalo ao seu programa de radio. Ler máis

Feyrouz Serhal realiza unha viaxe dun día por Beirut para explorar a vida e obra do falecido cineasta Maroun Baghdadi. Percorre as rúas da cidade, que moldearon profundamente a súa viaxe na vida e mais no cinema, e vai atopando a persoas achegadas a el e coas que compartiu a experiencia da guerra civil. Ler máis