Tres vidas intimamente ligadas por unha das últimas obras, inacabada, de Federico García Lorca. Ler máis
Nunha pequena localidade de Kansas, a chegada de Hal Carter, un home atractivo e errante, altera a vida dos habitantes. Hal busca un antigo compañeiro de universidade, Alan Benson, pero axiña chama a atención de Madge, a noiva de Alan, e esperta sentimentos e desexos que permanecían agochados. Durante a celebración dun picnic, as tensións amorosas e sociais saen á luz. Ler máis
Karen Wright e Martha Dobie son dúas amigas que dirixen unha escola privada para nenas. Cando unha das alumnas inventa o rumor de que ambas manteñen unha relación lésbica, a mentira espállase e provoca un escándalo que destrúe a reputación das profesoras. Malia os seus intentos por defenderse, as dúas mulleres enfróntanse ao rexeitamento social e ás consecuencias dunha acusación que pon en perigo a súa carreira, a súa amizade e a súa vida persoal. Ler máis
Documental que denuncia e expón material sobre o golpe militar de 1971 en Bolivia liderado por Hugo Banzer, que derrocou o xeneral J. J. Torres. Ler máis
Tippi Hedren é Marnie, unha secretaria ladroa e mentireira que se pon a traballar para Mark Rutland (Sean Connery) e tenta roubarlle. Mark, impulsivamente, casa con ela e tenta descubrir as causas do seu obsesivo comportamento. Ler máis
Belgrado, 1941. Marko agocha o seu amigo Petar dos nazis nun soto onde un grupo de partisanos vive baixo terra e fabrica armas. Pero o que comeza como unha estratexia de supervivencia convértese nunha farsa lucrativa cando Marko convence os refuxiados de que a guerra continúa, manténdoos agochados durante décadas mentres el ascende na Iugoslavia comunista. Ler máis
Entre 1972 e 1974, o cineasta español Miguel Herberg infiltrouse nos círculos da extrema dereita chilena por iniciativa dos seus amigos Renzo e Roberto Rossellini e do uruguaio Danilo Trelles. Reuniu documentos, películas e fotografías que revelaban os preparativos do golpe de Estado, a implicación dos Estados Unidos e a represión da ditadura de Pinochet. Ler máis
Milly Wetherby é unha muller solitaria que dedicou boa parte da súa vida ao coidado do seu pai. Cando coñece a Burt Hanson, un home bastante máis novo ca ela, cre atopar por fin o amor e a oportunidade de comezar unha nova vida. Porén, tras o matrimonio, a aparición de Virginia, a primeira muller de Burt, e a revelación de segredos do pasado poñen en perigo a felicidade da parella. Ler máis
Scottie Ferguson, un antigo detective da policía de San Francisco que sofre vertixe e medo ás alturas, acepta o encargo dun vello amigo para seguir a súa esposa, Madeleine, cuxo comportamento estraño parece estar relacionado cunha muller morta hai moitos anos. Fascinado por ela, Scottie mergúllase nunha investigación que se transforma nunha obsesión, na que se confunden a memoria, o desexo e a identidade. Ler máis
Treinta años después de su muerte, el documental recupera la figura de Xosé Lodeiro, uno de los pintores más singulares del arte gallego contemporáneo. A través de testimonios de su familia, de artistas, críticos, comisarios y coleccionistas, el film recorre las distintas etapas de su obra y su evolución creativa, al tiempo que se acerca a la personalidad del artista Ler máis
Marie e Jean forman un matrimonio que leva anos compartindo unha vida tranquila. Durante unhas vacacións na costa das Landas, Jean desaparece mentres nada no mar. A pesar de que non hai indicios de que sobrevivise, Marie négase a aceptar a súa morte e continúa comportándose como se el seguise ao seu lado. Ler máis
No século XVII, Federico Mai chega a un convento de clausura en Bobbio para investigar o suicidio do seu irmán xemelgo, un sacerdote que, segundo as acusacións, foi seducido por Benedetta, unha monxa sospeitosa de bruxaría. Federico deberá decidir o destino da muller, pero a súa presenza esperta nel sentimentos inesperados. Ler máis
Nelly e Paul son unha parella feliz. Mentres el dirixe o fermoso hotel que acaba de mercar no campo, á beira dun lago, ela coida do fillo de ambos. Porén, os celos de Paul comezan a medrar ata converterse nunha obsesión que o leva a vixiar cada movemento da súa muller e a interpretar calquera xesto como unha proba de infidelidade. Ler máis
Durante anos, Xiana do Teixeiro reuniu diarios de adolescencia de centos de mulleres, configurando un arquivo que reivindica unha escrita historicamente marxinada. Os relatos que se percibían como únicos revelan, ao poñerse en común, estruturas afectivas e narrativas construídas socialmente. Ler máis
A película retrata a turbulenta relación entre Sid Vicious, baixista dos Sex Pistols, e Nancy Spungen, unha moza estadounidense coa que inicia unha relación marcada pola dependencia emocional, as drogas e a autodestrución. Mentres a banda punk acada notoriedade, a parella afúndese nunha espiral de excesos e conflitos que os afasta cada vez máis da realidade. Ler máis
As vidas de tres irmás e das persoas que as rodean entrecrúzanse nun suburbio de Nova Jersey no que a aparencia de normalidade agocha frustracións, desexos e segredos perturbadores. Joy, Helen e Trish buscan, cada unha á súa maneira, unha felicidade que semella sempre fóra do seu alcance. Ler máis
Cando apagan os motores, os camioneiros e as camioneiras pescan, conversan, fan o amor, buscan, bailan, rezan… Pero, sobre todo, agardan, detidos á beira das estradas arxentinas, suspendidos nunha estraña dimensión do tempo mentres todo ao redor segue en movemento. Ler máis
Santos, un vello sicario español que leva media vida en Arxentina, descobre que está a piques de morrer e abandona o hospital cunha provisión de morfina. Comeza entón unha viaxe cara ao norte atravesando todo o país nunha especie de tranquila peregrinación na que coñece unha muller que se converte na súa compañeira de estrada. Ler máis
Jeliza-Rose es una niña que vive con sus padres, ambos drogodependientes. Tras la muerte de su madre, marcha con su padre, Noah, a una vieja casa de campo donde él fallece poco después. Ler máis
En 1832, o oficial italiano Angelo Pardi foxe dos axentes austríacos e chega á Provenza, devastada por unha epidemia de cólera. Acusado inxustamente de envelenar unha fonte, consegue escapar e coñece a Pauline de Théus, unha aristócrata que atravesa a rexión na procura do seu home. Ler máis
Este documental recupera o legado de José María Forqué a través da súa propia voz e dos testemuños de actores e cineastas que o coñeceron. Un percorrido polo cinema popular español, desde os éxitos dos anos cincuenta e o recoñecemento internacional acadado co Oso de Prata en Berlín ata a súa consagración como mestre da comedia e da televisión. Ler máis
En 2017, Rafael Nahuel, un mozo mapuche, foi asasinado pola Prefectura Naval arxentina na Patagonia. A partir de documentos xudiciais e arquivos oficiais, Sofía Bordenave relaciona o crime coa historia de violencia estatal e desposuimento territorial do pobo mapuche, desde a chamada Conquista do Deserto, no século XIX. O bosque convértese así en testemuña da violencia e espazo de resistencia fronte aos relatos oficiais. Ler máis
Nunha pequena localidade rural de Vermont aparece o cadáver de Harry, un home cuxa morte parece implicar a varios veciños. Cada un deles teme ser responsable do sucedido, pero ninguén parece demasiado interesado en avisar a policía. Ler máis
Nunha comunidade rural de Idaho nos anos cincuenta, Seth Dove, un neno de oito anos fascinado polas historias de vampiros, vive nun ambiente familiar marcado pola violencia e o medo. Cando varios nenos desaparecen en circunstancias misteriosas, Seth comeza a sospeitar que Dolphin Blue, unha viúva solitaria que vive preto da súa casa, é unha vampira. Ler máis
O que comeza como un caderno de recordos familiares convértese nunha investigación sobre a memoria histórica. Cando a cineasta lle propón á súa avoa escribir as súas lembranzas, descobre que esta fora encarcerada cando era un bebé, xunto cos seus pais, no Vello Cárcere de Lugo durante a Guerra Civil. Ler máis
Béatrice Courte, unha académica francesa que investiga as teorías históricas da memoria, descobre o caso dun monxe beneditino que afirmaba ter inventado un dispositivo capaz de reproducir imaxes de calquera momento do pasado, incluída a crucifixión de Cristo. Ler máis
A fiscal Seyo Kim decide combater a violencia da extrema dereita no leste de Alemaña. Cando ela mesma sofre un ataque racista do que consegue sobrevivir, comeza a investigar pola súa conta, desobedecendo as ordes dos seus superiores e poñendo en risco a súa vida. Ler máis
Unha familia negra brasileira da cidade de Belo Horizonte tenta reconstruír o seu fogar tras unha perda recente. Incapaces de expresar o que senten, a nai e os seus fillos refúxianse nas súas rutinas individuais para fuxir do dó. Ler máis
Nun universo vibrante e impregnado de cultura pop, un internado xaponés forma adolescentes para converterse en sereas profesionais. Akame, de 17 anos, aprende a conter a respiración, actuar ante multitudes entregadas e nadar entre quenllas. Baixo a súa cola de serea de silicona, descubrirá a súa voz, vivirá o primeiro amor e experimentará unha metamorfose. Ler máis
A través dun amplo arquivo familiar, con imaxes domésticas e materiais inéditos, Cecilia Díaz Betz reconstrúe a traxectoria vital e artística dos seus avós, Isaac Díaz Pardo e Mimina Arias de Castro, figuras fundamentais da cultura galega contemporánea e impulsores do Laboratorio de Formas e de Sargadelos. Ler máis
Nun futuro próximo, durante unhas vacacións de verán interminables e ante a inminente chegada dunha eclipse solar, Bego, de 12 anos, loita por atopar o seu lugar na familia e entre as rapazas da súa idade. Mentres a lúa «eclipsa» os animais e as persoas que a rodean, Bego coñece a REN_, unha amiga virtual que a introduce no shifting, unha práctica coa que as adolescentes cren que poden acceder a outras realidades a través dos soños lúcidos. Ler máis
Autor dunha obra insólita e profundamente persoal, Edgar Neville caeu parcialmente no esquecemento tras a súa morte. Co paso do tempo, a súa figura e a súa filmografía foron recuperadas e recoñecidas, ata converterse nunha referencia fundamental do cinema español do século XX. Ler máis
A partir dunha revisión exhaustiva dos documentos que deixou Jorge Luis Borges, dos libros que leu e dos lugares que percorreu, Mariano Llinás emprende unha investigación para descifrar a vida do escritor arxentino. Ler máis
A inicios do século XVII, un misterioso soldado chega a unha illada vila protestante de Alemaña afirmando ser o herdeiro dunha granxa abandonada. Ler máis
Logo de anos de secuelas descoidadas e un público a cada volta máis esquivo, a franquía slasher de Camp Miasma ponse en mans dunha moza e entusiasta directa disposta a resucitala. Porén, cando esta visita a estrela do filme orixinal —unha actriz agora recluida e envolta no misterio—, ambas mulleres son arrastradas a un sanguento mundo de desexo, medo e delirio. Ler máis
A historia do flamenco está intimamente ligada á modernidade e ao nacemento das máquinas. Ler máis
Christophe, un mozo de 11 anos, intenta seguir os pasos do seu pai axudando na granxa familiar na que viven. Pero todo cambia o día que ten que levar un corpiño metálico por prescrición médica. Ler máis
Esta viaxe cinematográfica adéntrase no mundo íntimo de Yasujiro Ozu a partir dos seus diarios, cadernos de guerra, cartas, entrevistas e filmacións inéditas. Coas súas propias palabras, o filme mostra como transformou perdas e traumas e obras perdurables. Ler máis
Xapón, anos 50. Coma todos os días, os membros dunha familia dispóñense a afrontar os seus problemas, soños e realidades. Ler máis
Anna, Georg e o seu fillo Georgie van pasar as vacacións á súa fermosa casa ás beiras dun lago. Os seus veciños Fred e Eva chegaron antes ca eles. As dúas parellas quedan para xogar ao golf ao día seguinte. Mentres pai e fillo preparan o veleiro, Anna prepara a cea. Peter, un mozo moi educado que se aloxa na casa dos veciños, preséntase pedir que lle presten uns ovos. Ler máis
Misael traballa só. Armado co seu machado, tala árbores no bosque. Unha responsabilidade inesperada trastoca a súa vida e o ritmo dos seus días vaise disolvendo aos poucos nun deserto onde a razón humana xa non ten sentido. Ler máis
Adrián embárcase ao Gran Sol no barco onde seu pai navegou durante máis de trinta anos. Busca entender o silencio e a distancia que os marcou. No medio do mar, entre rutinas e ondas, encontra o momento para achegarse. E á fin, atrévese a dicir o que sempre calou: Quérote. Ler máis
O mundo de excesos de Peter envorca cando unha descoñecida aparece na súa porta cun neno de dez anos. Ler máis
Hai persoas que pasan toda a súa vida na mesma casa, a casa natal onde descansa o pasado familiar. Benigno, aos seus oitenta e oito anos aínda dorme, come e soña no fogar que o viu nacer. Ler máis
En 1949, un escritor alemán e a súa filla emprenden unha viaxe a través dunha Alemaña en ruinas. Ler máis
Unha exploración das emocións, medos e relacións contemporáneas que se inspira libremente na colección de relatos «Hungry Heart» («Lev Raev»), do escritor Eshkol Nevo. Ler máis
Marie, unha serventa e empregada doméstica, está a piques de casar con Christian, o viúvo maior e adiñeirado para o que traballa. Pero Marie garda un segredo. Durante a Segunda Guerra Mundial mantivo unha relación íntima cun soldado alemán. Agora, o pasado de Marie ameaza con alcanzala. Ler máis
A Primeira Guerra Mundial prolóngase e Pierre, un soldado que acaba de chegar á fronte, está impaciente por demostrar a súa valía. Na fronte, coñece a Francis, que decide levantar o ánimos dos seus compañeiros montando un espectáculo teatral. Ler máis
Carla acaba de incorporarse ao departamento de Recursos Humanos dunha gran compañía de seguros coa misión de recuperar a confianza dos empregados. Pero as esixencias do seu xefe e da empresa rapidamente chocan con ese obxectivo e obrígana a tomar decisións cada vez máis difíciles. Ler máis
Rusia, 2022. Gleb, un exitoso home de negocios, vese acurralado polas crecentes presións empresariais e por un mundo a cada volta máis inestable. A súa vida, tan coidadosamente ordeada, ameazada con virse abaixo a arrastralo ao colapso emocional e moral. Ler máis
Tras anos de ausencia, Ana regresa á súa aldea debido á morte de seu pai. A súa intención é marchar despois do funeral, pero sente a necesidade de ficar, impulsada pola intención dunha compañía eléctrica de instalar un parque eólico que divide os veciños e afecta as terras da súa familia. Ler máis
Alxeria, xuño de 1955. Khadidja deixa Cabilia para reunirse co seu irmán maior, Malek, en Alxer. Despois dunha pelexa no mercado, a policía arréstao e Khadidja atópase soa. Ler máis
Josephine, unha nena de oito anos interpretada pola revelación Mason Reeves, presencia unha agresión sexual e descobre de golpe que o mundo pode ser un lugar ameazante. Ler máis
Tras o fracaso da súa última relación amorosa, Amy (Kate O'Flynn) volve vivir coa súa alegre mellor amiga e traballadora de servizos sociais, Rosie. Mentres ambas acompañan persoas vulnerables, Amy afronta tamén a fraxilidade dos seus pais, xa maiores. Ler máis
Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.
Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.
Os ollos verdes é o nome da sección do cinema NUMAX na que se estrean aqueles filmes que traballan por anovar e reformular as maneiras de ver e contar e que non atopan adoito un espazo nas carteleiras.
A Libraría NUMAX acolle a presentación do libro Boundaries Road (Xerais) de Cecilia F. Santomé o martes 10 de novembro ás 10:00h. A autora estará acompañada pola escritora Berta Dávila. A entrada é libre ata completar aforo.
A libraría NUMAX vén de gañar o Premio Libraría Cultural 2026, outorgado pola Confederación Española de Gremios e Asociacións de Librarías (CEGAL), co apoio do Ministerio de Cultura, polo “seu compromiso cultural, a súa bibliodiversidade desde o xenérico e desde a propia cuestión idiomática, sendo moi reseñable a súa aposta pola lingua galega”. NUMAX é a primeira librería galega en introducirse nun palmarés con 27 anos de traxectoria que recoñece a labor de dinamización cultural das librarías de todo o Estado.
Carolina Carinhas presenta Sal nas Feridas (Urutau) o venres 6 de novembro ás 19:00h na Libraría NUMAX. A autora estará acompañada polo escritor Xosé Carlos Carracedo. A entrada é libre ata completar aforo.
