O fotoxornalista lucense Adra Pallón estará en NUMAX o venres 13 de setembro ás 20:00h da tarde para presentar o seu libro Lumes, unha obra editada por Phree e que se fixo posible grazas á bolsa Joana Biarnés da fundación Photographic Social Vision. A entrada é libre ata completar aforo.
Celebramos a cuarta e última conversa da actividade «A aldea desmedida» coa participación do investigador Fran Quiroga e do arquitecto Iago Carro do colectivo Ergoesfera, que terá lugar o xoves 10 de outubro ás 20:30h na Libraría NUMAX. Nesta ocasión a temática sobre a que dialogarán será «A cidade que pode ser: participación e asociacionismo na imaxinación do futuro». Esta actividade está comisariada por Maos Innovación Social e subvencionada pola Deputación da Coruña.
A Libraría NUMAX acolle o martes 10 de setembro ás 20h00 a presentación do poemario «Prefiro condenarme» (Chan da Pólvora) de Margarita Ledo Andión. A autora estará acompañada do editor Antón Lopo e do ilustrador Luis Moscardó. A entrada é libre ata completar aforo.
O cuarto encontro do ano no ciclo A cor das palabras, organizado polo Concello de Santiago, terá un convidado de excepción coa visita de Jonás Trueba poucos días despois da estrea do seu novo filme: Volveréis. O director madrileño ofrecerá un encontro baixo o título «Seguimos a ser principiantes» o sábado 7 de setembro ás 12:00h. A actividade é gratuíta até completar aforo e xa se pode reservar praza no correo [email protected].
PRAZAS ESGOTADAS. Está de salvaxe regreso o Club de Lectura organizado entre a Libraría NUMAX e a editorial Irmás Cartoné. Neste segundo bloque temático de 2024, coordinado por Carlos Valdés e Celia Recarey, as lecturas centraránse na temática "Humanos e outras bestas". A actividade conta co apoio do Concello de Santiago de Compostela.
Por segundo ano consecutivo o treito final da rúa Concepción Arenal vaise converter nunha sala de cinema ao aire libre na que imos proxectar dúas obras mestras de Jacques Tourneur e Douglas Sirk. A proxección, gratuíta até completar aforo, enmárcarse no Festival C, organizado polo Concello de Santiago e a Deputación da Coruña.
