A Libraría NUMAX acolle a presentación do libro especies invasoras (Espiral Maior) de Branca Trigo Cabaleiro o xoves 10 de setembro ás 19:00h. A autora estará acompañada polo poeta Jesús Castro Yáñez. A entrada é libre ata completar aforo.
Regresa o curso académico e con el volve un dos clásicos da nosa programación: Os ollos verdes. Xa se pode reservar butaca para as dúas primeiras citas do curso 2026/27: O olor a leite queimado (luns 7), de Justine Bauer, e Una película de miedo (luns 14) de Sergio Oskman.
A Libraría NUMAX acolle a presentación do libro Días de una cámara (ECAM) de Néstor Almendros o martes 8 de setembro ás 19:00h cos directores de fotografía Juan Meseguer, Alicia Francés e Alberte Branco. De seguido da presentación, ás 20:00h, proxectarase na sala de Cinema o filme La marquesa de O... (Eric Rohmer) dentro do Foco Néstor Almendros.
A nosa sección de Repertorio do mes de setembro vainos permitir coñecer de preto a fascinante figura de Néstor Almendros, un dos directores de fotografía máis prestixiosos do cinema de autor dos anos 60 e 70, de quen vén de reeditarse o influente libro Días de una cámara. Para axudarnos a confeccionar o ciclo, contamos coa colaboración de tres profesionais da dirección de fotografía —Juan Meseguer, Alicia Francés e Alberte Branco— que presentarán cadanseu filme de cabeceira cuxa fotografía correse a cargo de Almendros.
Achégase a estrea de Anoche conquisté Tebas, unha das películas máis evocadoras do último ano no noso cinema, e en NUMAX recibímola con dous pases especiais que contará con presentación e coloquio do seu director Gabriel Azorín, domingo 6 de setembro, e de Roi Carballido e María Becerra (produtores) o mércores 9.
Por mor da previsión de chuvia vémonos na obriga de trasladar as proxeccións de A invasión dos ladróns de corpos, de Don Siegel, e Caro diario, de Nanni Moretti, á Casa das Máquinas da Rúa Galeras. Os pases inclúense no Festival C que organizan o Concello de Santiago e a Deputación da Coruña e darán inicio ás 21:45h con reserva de cadeira desde as 21:15h.
