O sábado 11 de marzo ás 11:30 bota a andar «A cor das palabras. Encontros con cineastas», un ciclo do Concello de Santiago de Compostela que achegará ao Cinema NUMAX a importantes cineastas do panorama actual. O primeiro convidado será o animador coruñés Alberto Vázquez, cunha charla titulada «O debuxo como forma de pensamento».
Poucas semanas despois de arrasar nos Premios Goya co premio a mellor longa e mellor curta de animación, o director coruñés Alberto Vázquez visita o Cinema NUMAX para presentar Psiconautas, magnífica adaptación da novela gráfica homónima do propio autor. A presentación e coloquio de Vázquez terá lugar o luns 27 de febreiro ás 19:20 e xa se poden adquirir entradas na nosa web.
A segunda entrega do Tac, tac, tac ten como convidado ao escritor coruñés Manuel Rivas que escribirá en directo un conto mecanografado que só se poderá ler no espazo físico da Libraría NUMAX. O acto terá lugar o xoves 2 de marzo ás 18:00 e ten libre acceso. A actividade enmárcase na iniciativa comisariada por Suso de Toro que trae cada mes a un escritor ou escritora do noso panorama literario.
No acto intervirán, ademais do investigador Nader Koochaki, Usue Arrieta e Vicente Vázquez, que participaron na concepción da publicación, aproveitando o seu paso polo Festival Escenas do Cambio e as presentacións das sesións Tractora Coop: traballos 2014-2016, no Cineclube de Compostela e Domingo de descanso, Cineclube de Compostela e Domingo de descanso, este luns 13 de febreiro no Cinema NUMAX.
Fotografía: NOVEOLAS
O director italo-galego Simone G. Saibene presentará este luns 6 de febreiro ás 19:00 a súa longametraxe. Tras a proxección, ás 20:30, haberá un pequeno coloquio e unha presentación na Libraría NUMAX do libro-dvd homónimo.
O Cinema NUMAX acolle o luns 13 de febreiro ás 19:20 a sesión Sunday Rest (Domingo de descanso). Tres filmes de Vicente Vazquez e Usue Arrieta onde se proxectarán Goitik Beherea Behetik Gora (2012), The Exhaust Note (2013) e 90º Doble Vertiente (2013). A sesión contará cunha pequena presentación e posterior coloquio por parte dos seus autores.
